سبحة الأيمان .!

[عبدالعزيز محمد المالكي]

أقبلوها بـِ عيوبها



ثيابك بالية ./ وأدري في نفسك تشتري دولاب ..
__________ على مسمار علّقت الأمل كلّه ./ في جدرانك .!
عيونك توشـي ان الدمع عالق في هدبك احباب
__________ تخاف انـه يطيـح وتنكسر في نظرة اخوانك
ثمـان سنين ./ وآمـالك وهم يسكن شقق عزاب
__________ وإذا زاد الإيجار احيان تحزم شنطة أحزانك
غرفك ./ أشياك ./ لوحاتك تعب يستوطن الاهداب
__________ ولا لك حول . / وتأنق حيـاتك وابسط ازمانك
تظـن أُمك . / ويخدش ظنها قلبـك ألـم وغياب
__________ وتبقى أنته على ذكرى الريال ./ وسجن ديّانك
وإذا بلادك . / تزرر صدرهـا عن دمعك المرتاب
__________ تروح أنتـه تلملم عن بلادك دمعـة اشجانك
عشان الدمع ما يجرح يديها ./ يفرح المغتـاب
__________ أصيل . / وقلبـك الهيل الكريم وسبحة أيمانك
تعيش إنسان في حبة تميسك ./ وإلتفاف اصحاب
__________ ولا تخسر يدينك ./ هيبتك ./ واتطيح من شانك
واحس الفقر طفلٍ لا نثر فـي كل غرفك تـراب
__________ تبسمل له رضـاك ./ وتطعمة من خبز وجـدانك
وأشوف الأرض سجادة صلاة ./ ومنضدة حطاب
__________ برغم البرد ./ تعجز لا تشب فيها علـى شانك
..
( ...............................................
___________ ..............................................)

نقطة :
البيت الأخير لا يعني أحد .. حتى صديقي .!
.