[خليجي 19]

[بدرالموسى]

المشاركة الأصلية كتبت بواسطة عبدالعزيز رشيد

( بدر
كانك قريب وقبل المباراة باسألك ..

1-من أحسن لاعب كويتي إلى الآن بالبطولة؟
2-ومن أحسن لاعب سعودي_برأيك_؟
3-ومن تتمنّى لو كان كويتي ويكمّل المجموعة ؟

1 - احسن لاعب كويتي في البطولة لغاية الآن أشوف ان المطوع ومساعد ندا مستواهم ثابت في الثلاث مباريات .

2- أحسن لاعب سعودي حسب ما شفت من مبارتين لاني ما تابعت مباراة الامارت
اشوف ان ماجد المرشدي وخالد عزيز هم الافضل .

3- اتمنى يكون لاعب محور في خط الوسط لاني اشوف ان هذا اللاعب بحاجته الازرق
يعني على سبيل المثال لو كان خالد عزيز او نشأت اكرم او سيد محمود جلال

 

[عبدالعزيز رشيد]

- مساعد ندا ممتاز وشفت رفعاته أحد القلّة من الناس اللي يرفعون صَحْ
- خالد عزيز تقدر تقول الوحيد اللي يؤدّي دور المركز الفعليّ وهذي ميزته وسبب بروزه بدون منافس , المرشدي بالكور الهوائيّة ممتاز وبالتغطية لكن الضغط والتحرّك بدون الكرة لازال ممم وياخوفي يكون خليفة للمفرّج_لاحقا_
- من جدّك تبون محور؟؟! إلى الآن محاوركم مسوّيه شغلها باقي مهاجمينكم

انتظر أحمد عجب (":
لازلت مصرّ على تألّقه

 

[عبدالعزيز رشيد]

(الظهير)
عند أغلب الدوريّات الظهير تتمثّل أفضل مشاركاته الهجوميّة بالتقدّم والرفع من مسافة بعيدة لـ داخل الصندوق لتتسنّى له العودة أو الدخول بالعمق قليلا للمساندة,وبرأيي الطليان هم الأفضل بهذه الناحية في مباراة [اسبانيا:ايطاليا]ومع امتلاك اسبانيا للوسط كليّا _بغياب جاتوزو وبيرلو_ الهجمات القليلة جدّا كانت من الظهرة:زامبروتا_بالذ1ت_,جروسو,ولو لم يفسد توني تلك الفرصة لفازت ايطاليا حتما رغم ضعفها بتلك المباراة!,الظهير قد يمثّل حلاّ مفاجئا في بعض الأوقات,وللأسف أغلب الأظهرة بالخليج لايجيدون الرفعات لامن بعيد ولامن قريب وأغلبها تكون عرضيّات خاطفة أو ركلة أكثر من كونها رفعة,وغير مستفاد منها وغالبا ماتنقلب غلى هجمة مرتدّة ضدّه!!..


(المحور)
القفل,لباب الملعب منه الانطلاقة والعودة - للأسف يغيب الجانب الدفاعيّ وجانب الضغط في محاورنا لدرجة أنّنا لانرى لاعب محور! بل لاعب يلعب بمركز المحور فقط!!


.. ممم أكثر شيء اتمنّاه أشوف هالمراكز وأتطلّع للاعب يؤدّي أدوارها مثل مانشوفها بالدوريّات الأوروبيّة لأنّ اغلب هالأمور تعتمد على تطوّر العقليّة بالملعب

 

[بدرالموسى]

المشاركة الأصلية كتبت بواسطة عبدالعزيز رشيد

- مساعد ندا ممتاز وشفت رفعاته أحد القلّة من الناس اللي يرفعون صَحْ
- خالد عزيز تقدر تقول الوحيد اللي يؤدّي دور المركز الفعليّ وهذي ميزته وسبب بروزه بدون منافس , المرشدي بالكور الهوائيّة ممتاز وبالتغطية لكن الضغط والتحرّك بدون الكرة لازال ممم وياخوفي يكون خليفة للمفرّج_لاحقا_
- من جدّك تبون محور؟؟! إلى الآن محاوركم مسوّيه شغلها باقي مهاجمينكم

انتظر أحمد عجب (":
لازلت مصرّ على تألّقه

ما عندنا محاور اساسا
يعني محمد جراغ مصاب ومشاركته في المباراة الاولى كانت مغامره كبيره
بس معذورين لان الفريق بحاجته واتوقع ان تحضيره يتم قبل كل مباراة للمباراة نفسها
وصالح الشيخ بنيته الجسمانيه ما تساعده ولا هو لاعب كبير وعنده القدره على التحكم بوسط الملعب
مرات تحس انه ضايع
الوسط حاليا بقيادة بدر المطوع بانطلاقاته وخالد خلف بسرعته
فعلا الازرق بحاجة للاعب من طراز فواز بخيت وبدر حجي وعبدالله وبران
الله على هذيك الايام

 

[مشعل الغنيم]

المشاركة الأصلية كتبت بواسطة عبدالعزيز رشيد

(المحور)
القفل,لباب الملعب منه الانطلاقة والعودة - للأسف يغيب الجانب الدفاعيّ وجانب الضغط في محاورنا لدرجة أنّنا لانرى لاعب محور! بل لاعب يلعب بمركز المحور فقط!!

هذا سبب خروج البحرين من الدور الأول
غياب أفضل محور بالخليج: راشد الدوسري

 

[عبدالعزيز رشيد]

ليتني اقدر اشوف لعبه ..
باي نادي يلعب ؟

 

[مشعل الغنيم]

المشاركة الأصلية كتبت بواسطة بدرالموسى

ما عندنا محاور اساسا

يا بدر أنتوا ما عندكم شي أبد ههههههههههههههه
المطوع كان ممتاز ببداياته لكن وجوده بالدوري الكويتي يقتل موهبته. أذكر الكويتيين كانوا يكرهون الرشيدي ولا كانوا معترفين فيه كلاعب كرة أساساً، الولد جيد وبنيته ممتازة، بعد انتقاله للحزم قدم مستوى رائع واستغرب عدم مشاركته كأساسي بالخليجي

عموماً، لو تاخذون عزيز ونشأت وسيد محمود جلال، بتخسرون بتخسرون الله لا يعوق بشر. وعلى عكس كلام العمرو، ترا لو فزتوا (ولو هذي بالذات من عمل الشيطان هههههه) ماني مبارك لكم ولا بأتمنى لكم التوفيق بالنهائي : p

 

[أصيله المعمري]

أنا أقول.. خل عمان وقطر
يدربون على ركلات الجزاء أحسن