بالنصّ الأقرب
اصافح به اياديكم
(( هموم النيل فوق الأرصفه ))
في ليلة ظلمى يعكّرها ضجيج ازحامها
************* يومي على شطّ النهربالنيل فوق الأرصفه
امشي واسرّح خيل همّي يوم شدّ لجامها
************* قلت النهر ياهو دوا همي .. أونه يجرفـــــه
لين لمحتني طفلةٍ باق الظلام احلامهـا
************* تبسمت كني الأمل أو حلمها اللي تعرفـه
يوم اشّرتلي بوردة تبغى رغيف ايامها
************ مع بسمة مثل البريء اللي يبي من ينصفه
مثِل يدين المرتجي هطلِ السما وارزامها
************ مثِل رجاوى طفلة ٍ فيها كلام تسولفـــــــــه
كم صامت الأيام واما الجوع ماقد صامها
************ ياشحّها الأيام معها ..وبالتعاسه مسرفـه !
شفت الفقر يومٍ يبوق احلامها وهندامها
************ مدري تهندمها الفقر ..ولا حواها بمعطفه !
تعضّها الأيام زي ماهي تعضّ ابهامها
************ وش جابها في عالمٍ بايامها متعجرفــــــه ؟
كل البشر حتى الزمن احتالها وانضامها
*********** بنتٍ شريفه همها تلحق سراب الأرغفــــــــه
هامت بوجه الليل واماالصبح ماقد هامها
*********** ماتت أمانيها مثِل طيرٍ رثته .. الرفــــــرفــه
حتى الوروداللي تورّدها تواري ايامها
*********** ماتت قهر من هالسواد الي خذاها منشفه !!
شفت الورود اللي حملتها رمّدت مادامها
************ ذاقت تباريح الظلام اللي كساها بزخرفــه
تكفي دموعك من عيونك شفت كلّ آثامها
************ لا تذرفين الدمع من عينك أنالي باذرفــــه
ياذا المكان اللي حوى همٍ بعمراهرامها
************ همٍ تلحّنها المآسي والليالـــي تعزفــــه !
فقرٍ بهااحزانٍ لآامال يحين اعدامها
*********** هذي هموم النيل شفها بالرصيف مجغرفـــــه
في ليلة ظلمى يعكّرها ضجيج ( آثامها )
************ فيها بـــراءة طفلة مابـرّأتـها الأرصـفـه !
ولكم خالص
تحيّاتي
آخر المشاركات
09-03-2006, 11:28 PM
(( همـــوم النيــل )) .. مصافحه اولى
العرض الشجري