سيرة احلى حكاية: حكاية موسم 2008-2009

[عبدالعزيز رشيد]

روبي كين عشرين مدري أحسّها كثيرة مع انّه ممتاز دوره مثل هينريخ لارسون بالبرشا كثير يقولون مايجيب هدف وينسون انّه صانع هدفين دوري الأبطال-أنا من عقب ماوظّف بنيتيز هالآدمي كـ جناح وابدع فيه بشكل منقطع النظير يشارك بالدفاع والهجوم ويعدّ أهداف وحظّه بالدفاع حلو -المروح يوم عرقل هليب مانحسب بلنتي وش جابه لمنطقة الجزاء هناك؟!! -وبنتيز من توّ صرّح بأنّه كويت يقوم بعمل كبيير ولايهتم بعدد أهدافه

بالاك:بوسمان-الله يالدنيا من عقب أسعار الريال

غوميز عادي,ايديبايو امكانيات هائلة بس عقليّة توظيفيّة سقيمة,أحسن مافيه حماسه يمتعك غير كذ1 ماش,الميلان والبرشا هم اللي طردوا وراه أمّا غوميز غضّت الطرف عنّه كلّ الانديه

زينيت أعلنها خصوصا بعد رفضه للعروض الكبيرة لأرشافين,وادفوكات بآخر الميركاتو بمباراة السوبر,خلاّه احتياط وأثبت انّه قادر على تمشية الفريق دونه

أنا عكسك أفضّل لاعبين يطوّلون بانديتهم خصوصا اللي يحبّون أنديتهم,مثلا بالاك طوّل مع البايرن_كان الإبن المدلّل _,توتي عمّر كلّ العمر بروما,باتي غول فتراته الطويلة مع الفيولا خلّدت ذكراه,ديل بييرو واليوفي وحتّى سيّارته القديمة ماشالله ماغيّرها!,جونينيو أقدر أقول الـ لاعب مرتاح بالنادي والنادي مرتاح به,وقديما فان باستن وفيه اللي كانوا غريبين لكن صاروا قريبين زولا مع تشيلسي,كريسبو+فييري ماتعجبني سياستهم شف نهايته راح تكون حزينة وأذكّرك لو ماراح لـ روما وهو ماعنده مانع أصلا راح يدفنه مورينهو وينسونه,فييري جمهور اتلانتا صرّح"لانريده"وهو الآن موجود,حتّى رونالدو ان كانك تقول هو احتفل قدّام الانتر تراه احتفل قدّام البرشا!.

ممكن فيه أمثلة محزنة للاعبين اخلصوا بس الاندية انكرتهم وهذا عاد موجود بالأرسنال للأسف جيلبيرتو سيلفا,كامبل,بيريز,وريال مدريد مع روبيرتو كارلوس - خرج بعد أن أحسّ باهتزاز مكانه,فيرناندو هييرو والله حرام هاللاعب نسوه,كاميراتهم تعطي ظهرها له ونورها لـ راؤول

 

[مشعل الغنيم]

*

الجمهور ينسى فييري أو كريسبو! مستحيل، لو أراد الجمهور نسيانهم فالأرقام تذكّرهم. بالعكس تماماً، في الوقت اللي صار فيه كريسبو مخلص خسر الكثير،، هذا هو جالس في الإنتر حالياً يتذوق خيانة مورينيو له أسبوع بعد أسبوع ومباراة بعد الأخرى. الولد باقي له 18 هدف ويدخل نادي المئتين هدف في الكالتشيو، لاعب عظيم لا أنا ولا أي واحد ممكن يقول غير هالكلام.. ونفس الوضع لفييري، هو اختار اطلنطا مؤخراً ليكون قريب من بيته - أو بالأصح قصره - واستثماراته في ميلان (ثلاثين كيلو بين بيرغامو وميلان)، لكن لو نرجع لفييري الإنتر، فييري لازيو، فييري اتليتكو مدريد، لاعب كبير جداً
شوف.. أنا شخصياً أرى جوزيبي سينيوري أفضل مهاجم على الإطلاق - أتكلم عن مهاجم هداف وليس مهاجم صانع ألعاب مثل باجيو - لكنه أيضاً لم ينهي مسيرته بشكل ممتاز، ما أقدر ألغي كل تاريخه المرصّع بالأحجار الثمينة لأنه أساء في اختياراته للأندية قبل الاعتزال. طبعاً هرينان كريسبو يأتي بعد سنيوري في الأفضلية، اصابته الموسم الماضي وتجاهله هذا الموسم لا يغير من رأيي فيه، هي ظروف فقط وقد يصحح كل هذا ويسجل الـ 18 هدف المتبقين لو انتقل لسامبدوريا

 

[مشعل الغنيم]

*

على طاري " كامبل، غيلبيرتو سيلفا، بيريز " أذكر تكلمت فيها مع أحد الأصدقاء وكان غير راضي عن طريقة فينغر، لكن لو نرجع للجد وناخذ الموضوع بصراحة شديدة نجد أن كامبل خرّف بآخر أيامه مع ارسنال، سيلفا سيء من زمان وبعد تألق فابريغاس والعديد من الصغار في مكانه ما أعتقد النادي يحتاجه، أما بيريز جيد لكنه لم يوافق على طريقة فينغر: آرسين فينغر يقول اللاعب اللي يتخطى عمره الثلاثين أجدد له سنوياً، حتى لو جددت له لعمر الأربعين، لكن ما أعطيه أكثر من سنة في كل مرة.. وهذي طريقة جيدة خصوصاً للارسنال.. لكنها مخيفة للاعبين طبعاً، كلهم رفضوا هذا النظام وكلهم رحلوا وصار رحيلهم من حسن حظهم، كامبل تعثر شوي وبعدين لقى نفسه في بورتسموث، وبيريز عايش بربيع مع فياريال
يا أخي أنا أصلاً ضد مسألة " المدير " هذي، المدرب لازم يكون " مدرب " فقط وليس manager كما هو الحاصل بإنغلترا.. في البريميرليغ المدرب هو اللي يمسك الميركاتو والميزانية وتجديد العقود وغيرها!