عَــتــبــ

[محمد السالم]

[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تقول ليّ كُفّ العتب كُفّ التشره والملام != وأنا الّذي لولا العتب لولا الملامة ماحكيّت

تبيني أنظر في ورود الحلم تذبل والسلام؟!= وأنا الّذي في بذرها ياما وياما قد سقيّت

زرعت لك صدري مشاعر مايوفيها كلام = فرشت لك جفني حريرٍ في تهاديبه غفيّت

كتبت بك ؛ اعظم رواية مرجعٍ لأهل الغرام = بنيّت لك مجدٍ عريضٍ في مجْرّاته سميت

كُنت احسب انك تستحق المجد وسفوح الغمام = اثرك مجرد طايشٍ هدّمت كُل الّي بنيّت

غرك زمانك ياضعيف: اصدرت وركابك حيام = غرك سراب القايلة الّي على ضوحه مشيّت

ذوبت شمعٍ كان تهزم به دياجير الظلام = جنيّت محصول الغدر يا ؛ بئس محصول جنيّت

صحيح تُحزن حالتك وضعك كئيبٍ ياحرام = جنيّت في عهد الوفا يا ما على نفسك جنيّت

لكن عادي ؛ دام رجلك مشتك درب اللئام = اصبر على وخز الضمير وعيش وضع الحي ميت

من لا يثبت موقعه لا صار في راس السنام = يخسر وسام المنزلة لو كان له مليون صيّت

ماتدري إن عهد الوفا سيفٍ على روس الكرام ؟= وأن الكريم يصون ععده ثابتٍ به مستميّت

إلأن ؛ تاتي تعتذر تقول بأنك مُستهام = ياشيخ : دور غيرها : ولا زمانك ونتهيّت [/POEM]