&& آطا على خشم الشعر && .. مصافحة أولى ..

[فواز الزناتي]

السلام عليكم ورحمة الله

عمتم مساءا أحبتي


مصافحتي الاولى أقدمها لكم

وكلي أمل أن تحوز على رضا الجميع .............

[POEM="font="Simplified Arabic,5,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]لا هان من يسمع يا ثامـر ولا هنـت=يا مسندي .. يا محزمي .. يا غناتـي
جاني كـلام وفـي كلامـك تمعنـت=لا هـان رجـل ٍ بالحميّـا يحـاتـي
لكن يابن عمـي لـو إنـك تفطنـت=فينـي وتعرفنـي وتعـرف صفاتـي
دامي على درب الرجوله تمعدنت !!=صعب الذهب يصدى إذا صار ذاتـي
لا مـرّت الزينـه معاهـا تهيجنـت=وإن مرّت السيّه كمـا الريـح عاتـي
كم راس شيبته .. وكم راس جننـت=يخسون .. ما يرمون عنّـي عباتـي
وأنـا ابـدوي ٍ بالبـداوه تعربـنـت=وأسمـى طبـوع اليعربيّـه سماتـي
إن خوّن الخوّان .. وقفت مـا خنـت=وإن حاول يفرّق .. جمعت الشتاتـي
والدَين أردّه كان .. دولار .. أو سنت=وأسمى الفعايل هي خلاصـة مناتـي
صغير سن .. وقاسي العظم ما لنـت=ركزة جبال طويق .. رمـز لثباتـي
رجيح عقـل .. وللجزيلـه تمكنـت=ماسك جزيل العلم .. مسكة عصاتـي
وأكبـر دليـل إنـي بعقلـي تفننـت=إسمع ثلاث بيوت .. خذها وصاتـي
آطا على خشم الشعر .. كاني أيقنـت=إنه يسبب لـي ردى .. فـي حياتـي
وكان الرجوله صارت بذلّـة البنـت=يحرم علي إنـي لاخاشـر خواتـي
وكان الردى مسلم .. كفرت وتشيطنت=وكان أعلن بكفره .. أبعلـن صلاتـي
وأبي ليامن مت .. وكلـي تطحّنـت=يبقى الذكر موجود .. عقب المماتـي
وأنا بكلامـك يابـن عمـي تمعنـت=وأسمع كلامي .. وأسمع الهرج آتـي
إن كان جاك العلم .. إني أنـا لنـت=ماني أنـا فـواز .. ولانـي زناتـي [/POEM]

وسلاااااااااااامتكم

فواز الزناتي ................,,

 

[طلال العنزي]

الله الله عليك يا فواز الزناتي

ابدعت فعلا ابدعت

قصيده جميله جدا جدا

اشكرك كل الشكر

وصح لسانك ولا هنت يالجزل

إن كان جاك العلم .. إني أنـا لنـت
ماني أنـا فـواز .. ولانـي زناتـي


دمت ودام بوحك الصادق بكل ود

تقبل تحياتي واعجابي




اخوك
طلال العنزي

 

[أحلام الغامدي]

قصيدة غارقة في الجمال الادبي


اكتب اعجابي بحرفك الصاخب

صح لسانك

ريناد

 

[عقيل المنيس]

صغير سن .. وقاسي العظم ما لنـت
.........................ركزة جبال طويـق .. رمـز لثباتـي
.................................................. ......
الاخ العزيز فواز الزناتي
صح لسانك وقصيدة تنم عن سمو الآخلاق .
اخوك . ابو جمال

 

[محمد أبوالروس]

صح لسانك يافواز

مشاءالله عليك

ماقرأته هنا كان شعر حقيقي وإبداع كامل

 

[سطام الصعب]

دامي على درب الرجوله تمعدنـت !!
................. صعب الذهب يصدى إذا صـار ذاتـي

الله وأكبر عليك

بركااااااااان ثااااائر

وشاااعر ( صح ) يا فواز

 

[عيد الحواشيش]

"
"


فواز




هنا أقرأ شعراً رائعاً




لك الشعر كلهِ

 

[سعد سيف]

إن كان جاك العلم .. إني أنـا لنـت
ماني أنـا فـواز .. ولانـي زناتـي



كفو يافواز


حضور رائع


ونص يعانق النجوم


دمت بخير