₪ رد / عتب ! ₪

[احساس طفل مجروح]

رد / عتب !



تنويـه : انا ماني شاعرة ولكن أحاول
وأتمنى يوصل النص / لمكانه من خلف الشاشة!




إنت !
يا إنت ،!
أبسألك بالله
.
.
وانت تقراني تقدر تحـس بـ الإختلاف !
تقدر تشوف الفرق بين
ضعفي و رهبة الخوف من الـ خلاف !
تقدر تفسر لي
ليش
و ليش
و ليش
انا منك أخاف ؟!
.
.
.
تقدر تعلمني ليش دايم كتاباتي
وهم !
وضيق حيلة
قلة عقل
و كذبة
وسط مرتع للإثم !
.
.
.

تقدر تقول ليش نصرخ ليش نبكي
ليش بسكات نتألم وما نشكي
ليش هذا حالنا ؟
ليش نبكي على اللي راح وتركنا لحالنا ؟!
.
.
.
ليش حكيِّنا دايم عتاب
ليش دايم عندنا سيرة غياب
وليش كل شي نحبه بهالدنيا نفقده !
ليش كل الناس اللي نحبهم اتركونا وراحو
أسألك بالله واللي خلقني عندك لأسئلتي جواب
.
.
.
أحاول !
هنا أحاول أسجل إعتراف !
هنا بكسر حاجز الصمت
الـ المُهيب
هنا بحكي عن رحيل الابتسامة
عن جنونك و أفكارك اللي أتعبتني
اعمتني / غطت " عيوني " بغمامة !
.
.
.
هنا بكتب أنا حبيت !
سجل إعترافي
سجل حكايا قصتي
سجل أنا حبيت !
وسجل بعد / هنا مات الـ فرح
بـ يمكن
عل وعسى
و ياليت !
.
.
.
هنا في شخص يقراني !
أبهدي له كتاباتي
و
وردة
و
رجا /
رد الهوى اللي عنه تخليت !







بقلم / احساس طفل مجروح

 

[خالد صالح الحربي]

:
احساس طفل مجروح ،،
هي الموسيقى و بعض التركيز لا أكثر ..
مَا تحتاجُهما هذه المقطوعة لكي
تمشي الـْ... خُيَلاء .

 

[عبدالله الدخين]

مشاعـر ترسم لنا شخصيــه

لمّ تتوضـح الا لكـي أنتــي







تحياتي لكـ ِ

 

[قايـد الحربي]

إحساس
ـــــــــــ
* * *

" أبسألك بالله
وانت تقراني تقدر تحس بـ الاختلاف "

إنْ ملكَ إحساساً كـ إحساسكِ
سينبضُ بالاختلاف و الإتلاف .. حرفاً حرفا
ونزفاً نزفا .

*
ونحن نطالب بقراءة كلّ محاولاتك
وبهجاتك و أبياتك .. فلا تحرمينا الشعر .

لكِ الشكر الجزيل .

 

[شوق]

رائعة غاليتي

وماكتبتي من أحساس

صادق يشعرنا بجمال الشعر عندك


كل الغلا

أختكـ/شووق

 

[بدرالموسى]

إحساس


إحساس


إحساس



ولن أقول كفى




لكـ التحيهـ
بدر

 

[سامي العمر]

من الاسم الى النصّ
جمال يُلبس هذا المتصفّح
حرفك جميل وروحه اجمل
تحيّاتي

 

[نور]

ما اجملك يا احساس طفل



واصلي ولا تتوقفي ,,



فنحن بأنتظار الاجمل والاحلى ,,



نور..