.. خـســـــــرت واجــــــد .. !!

[ضحوي الأسلمي]

.


لو .. بـ أنثر الضيقه .. على مين بـ أنثر
......................... من ياخذ أوجاعي ..اليا من .. ذكرتك


خسرت واجد .. بس ماشفت أنا أكثر :
.......................... أكثر من إني .. ياحياتي .. خسرتك




.









.



حل الفراق ولابقى الا ثواني للرحيل
............................خليني اخذ دمعتك وامسح بها دمع الجروح


::

ياغاليه هذا الزمن لو يعتدل لازم يميل
................................ولااحد ٍ يجي الا مثل ماجا يبي لازم يروح


::

انا ثملت من التعب والبعد والدرب الطويل
............................فيني كلام ووش كثر والمشكله مااقدر ابوح


::

يْبس الامل عندي ولا لقيت لي برق ٍ أخيل
.....................................وبير الصبر توه بدا ينشف وبيدينه يلوح


::

يلوح يامزن اللقاء بالله لاتصبح بخيل
..................................ديَم على حب ٍ ربى مابين روح وبين روح


::

خوذي قصيدي وإذكري احلا السهر في كل ليل
.........................يوم السهر ريشه وانا رسام همسك وسط لوح


::

ماجيت لك قلبٍ خلي ولاجيت لك عابر سبيل
..............................جيتك ابي اموت بك وبصوتك العذب البحوح


::

بروح واترك شرهتي تطيح في بيت الرحيل
............................استأذنك لازم أروح ....... استأذتك لازم اروح



.



ضحوي


.