مخيّبة الهقاوي!!!!!

[عادل الدوسري]

بسم الله أبدأ
::
::
يا مخيّبة الهقاوي و مخلفة الوعود
اشهد أني في هواكم تعنّيت و تعبت

شيبّ الله عين من لا يوافي بالعهود
مثل ماني من عنا الوقت و الاحزان شبت

أول الدعوى تواصل و تاليها صدود
و الأكيد إني معاكم تعلّقت و نشبت

ما نبي نصبح فريسة مبحّثة السدود
و المشاعر كتمها في صميم القلب كبت

يا نعيم العود منتب على هذا محدود
ماحدٍ حلّفك لمن صدقت و لو كذبت

ما جزيناك بجفاوه و لا وجه البرود
حاضرين بلازمك لا أمرت ولا طلبت

و لا تقفّينا غيابك ب نكران و جحود
وما اذكر انك عن هواجيس قلبي يوم غبت

والحقيقه حالتي نقص و الفجوه تزود
و أعتبر خسران لمن غلبت ولا انغلبت

قلم/عادل الدوسري