غيّاب ..

[عواطف محمد]

غيّـاب .. مصافحة أولى هنا ..🌷

ايش يعني ..
لوصحى جرح بداخل اعماقك وصاح ..؟
وانطفى نور الصباح ..؟
لو تعبتي ..
وان حصل مره وعتبتي
ولادرى بحزنك احد ..
موغريبة ..
لو ذوت زهرة ثلاثينك وعدت ..
لو يطول الليل بأحزانك وهمك
لو تهز الريح لك شباك صمتك
وارتبكتي .. لا يهمك ..
ماسمعك الا..
جدار هالغرفة وظلك ..
ولا تحرك من فزعك إلا الستاير
كل ماهزت الريح النوافذ
وارتبكت الابواب .


ليل وسهر واحباب ماعادوا قراب..
ــــــ فيه التعب كم عانق ضفاف يمي


لين امتلى صبح المواعيد غيّاب
ـــــــ وفاض المدى بالدمع من زود همي


ليل الشتاء.. كذاب
كم فرق..[احبابي]

حتى الرجا به خاب
ولا.. شفت غـيّابي

راحوا بلا.... ايــاب
والعمر.../ ..عــدابي

ناديت ... ياغيّاااااب
رد الصدى بــابي...

غيّاب.....ياغيّاب
غيّاب.....ياغيّاب
غيّاب......ياغيّاب
صبح الوعد ماملته
تنطر على هالباب
ترسم ملامح طلته
عصفور حلمٍ شاب
من شانكم ما خلته

صاح المدى مرتاب
من بحة.../.. عتابي

غصن الثواني ذاب
و[الحزن]....غنى بي

،

وكل عام والجميع بخير هنا ..🌷