ما أنساك - إلى ذكرى الشاعر شلاش الحسن

[أحمد رشاد]

ما أنساك
إلى روح الشاعر شلاش الحسن توأم الروح
ما أنساك
يا أول حروف القصيدة وآخر دروبي البعيدة
أنساك؟! وأنت مني مثل عيني ...ومثل قلبي
وأنت أنغامي الفريدة
أنساك؟؟ وأنت الربيع الماعبر ديرة محل
خضرة وزهرها ألوان وأول مطر آذار والمزنة الشديدة
*****
ما انساك يا برد الكوانين الحاير بليل الشتا
يقتل ثلج فرقاك تموز حنة الكيض
تلسع لسع شمس الشموس الحايرة ابسعف الجريدة
****
ما انساك يا وجه القمر دوّار نص الشهر
وأنت بدر نيسان يا زعلان
والزهر ينثر زهر وردة عشق ماتت بصحرا بعيدة
*****
ما انساك يا لون السما
صباح العيد واللبس الجديد
طقة مسابيح الخرز فيَّ العصر
تلعب الحلوات والطفلة السعيدة
*****
ما أنساك
يا بستان طيب الغصون الشايلة
ناضج ثمرها و من سحرها
هامت الدنيا بأهلها وراحت تغرِّد سعيدة
*****
ما أنساك يا سفّان وقت الفيض
اتعب سفن فينيق
لاعبت شط الروح
صفصاف قلبي هام
بيك شلون وأنت شلاش
يا شلال من عطر وقصيدة
****
يا ساكن بريف العين ضي العين
ترمش برقها سور يبني سور
وخلف السور يطلع نور
خفق القلوب العاشقة كل نبض يعزف على اسمك نشيدة
****
ما أنساك
يا حلم المدينة التايه تنشد دروب القوافل
مضيعة ولدها سنين تبجي سنين
تاهم خاذهم موج يطوي موج
زتهم لحد الشوف
شقت زياج الثوب بس تندب وحيدة
*****
أم الغريب تلوج حيل تجوظ
قصت شعرها اليوم صاحت يوم
بس ردت منها تنام
عيّت تغمض العين ما تقبل عنيدة
****
ما أنساك لا والله... وشينساك؟؟
وشلون تنسى الناس حزن الياس ..... تاج الماس
يا أكبر فجيدة
أحمد رشاد – الرقة 30/11/2019