بهو الأمل.؟!!

[عبدالله العتيبي]

انا القصيد اللي زرع برضك الشوق
ولا تكاثر من حنانك قليله..؟!!
|"|
ونبت في أرض إنتظارك من الذوق
حتى روى ذوقي لعينك غليله.؟!!
|"|
انا الكلام اللي من الوجد مخنوق
حرفٍ يطيحك شوق قلبي يشيله.؟!!
|"|
ماكنت اعرف إن بيني وبينه حقوق
حتى سلك بُعده بقربي سبيله.؟!!
|"|
وفهمت بعده ( كل مطرود ملحوق )
إلا وصالٍ ضيع الله دليله .؟!!
|"|
تبت يدين البعد لا صارت العوق
وتب النوى وأحلامنا المستحيلة.؟!!
|"|
في روحي إحساس الغلا طار بي فوق
حتى هويت بساحق البُعد غيله.؟!!
|"|
وتزاحم الدمعة من الموق للموق
تروي حكاية ألف ليلة وليلة.؟!!
|"|
كان إبتذال الصبر في وقت مسروق
من غفوة الواقع بذيك الخميلة.؟!!
|"|
حتى تساقط من غصن عمري عذوق
وتعرّت كفوف الليال الجميلة .؟!!
|"|
اصبحت في بهو الأمل كرت محروق
والخطوة اللي كانت اول ثقيلة.؟!!
|"|
يوجع زماني لا خذا الشوق بالشوق
وش خانة الوديان لا جف سيله .؟!!