صدام و الخميني

[أحمد المالكي]

طول السهـــر جرحــه تمكــــن بعيني ...
حتـــى صباحـــي زود الجــــــرح كيه

شبيت نيراني وشـــــــــلت الهجيني ...
وغنيــت مسحـــوبي لــروح ٍ شقيــه

تبطي ظروف الوقــــــت تكسر يديني ...
ومـومــن بمــا قــد قـــــدر الله عليــه

مثلي مثل صـــــــــــــدام يا لايميني ...
يومــه فـــزع لاهلــه بوقـــت الحـميه

ومن عقب ماحلحل جيوش الخميني ...
خلـــوه ربعــــــــه لنــوايب ضـــحــيه

مايتعب الرجـــــــــــــال يا سامعيني ...
الا خــــــوي ٍ مــايــجــمــل خـــويــه

لا شدت الدنيا وعجـــــــف السنيني ...
ينسى مع الايام مـــــــــــــــدة يديه

ما قد خذلته يوم لو هــــــــــو يبيني ...
ولا من تعزوانـــــــي لقى الروح حيه

وشلون يجحد شـــــــي بينه وبيني ...
عشــــــــــرة عمـــر وايامـــنا الاوليه

كنت احسبه اقرب لـفــــزعة يميني ...
من محزمي واثر الطــــــــــبايع رديه

الله يسامح طبع مزروع فــــــــــيني ...
ينسى الخطا ويسامح اهل الخطيه

بنصبر علـــــــــى الدنيا وربك يعيني ...
القلب صافـــــــــــــي والنوايا مطيه