الصبح و الليل .. !

[محمد بن شتير]

.

[poem=font=",5,royalblue,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""] سهران و اتحرى الأمل يا صباحي=و الليل ردد لي / على مهل مهلك ,
و أنا أكذّب ضيقتي بأنشراحي=حتى سمعته قال : من هو سمع لك ؟
الناس ناموا و انت ل/ الحين صاحي=دقيت باب الليل ما أحدن فتح لك .. ![/poem]



/

\



/




ليل(ن) ينام و يبتدي بعده الليل
ما أدري وش اللي بين صبحي وبيني ؟


كني مضيع ثالث الجدي و سهيل
و إلا كأني فاقدن والديني .. !


صرت العن الظلمى و أشب القناديل
بلاي منطوقي على شوف عيني !


يا رب صبرني على هدة الحيل
كم ضيقة(ن) في داخلي تحتريني ؟


مالي بديل(ن) غير نظم المواويل
أموت أنا فالشعر و يموت فيني !


مبطي و صوتي للتعب و الغرابيل
غنى على مسحوبها و الهجيني


رجال متعود على الحط و الشيل
تسند يساري فالمواقف يميني


أضحك و أنا في داخلي شايف الويل
عشان أقول ( الله يعوض سنيني )


أنسان أنا ما كنت في يوم برميل
ماني بضاعة للدول تشتريني


بذرت طيبي قلت أبجني محاصيل
و لا جنيت الا ( تفاهة حنيني )


الناس لو هي توفي الكيل بالكيل
ما كان أعز الناس غاب و نسيني


لا تاخذوني شك من غير تأويل
و أنا عن الشكة مقدم يقيني


طحت بزمن ما فيه لا سيف لا خيل
لكن زمن ما فيه يمه أرحميني


أقول في نفسي , عسى قاعه السيل
و أقول لـ/ الدنيا إذا تعشقيني


حبيبتي حبك مثل ( كذبة إبريل )
صدقتها و أتحمل اللي يجيني ..!!


.
.


ودي لقلوبكم الجميلة ..