رقصة الموت

[عبدالرحمن عبيدالله البجيدي]

بسم الله الرحمن الرحيم

أعتذر للجميع عن الغياب الذي يبرره الإنشغال
ولكن تبقى المحبة لهذا المنتدى وإدارته الرائعة
وأعضاءه الكرام تغمر القلب ..

رقصة الموت

[poem=font="simplified arabic,7,darkblue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
للرمش رقصة داعبت كل الانظار = غني علي يابنت فكري لحنها
في ساحة السمار صفي لي امهار = والمهرة الصفرا عطيني رسنها
مع خطوة المهرة تغني بالاشعار = والنايفه لا يخرج القاف عنها
والليل توه والمعازيم سمار = وبنت الأكابر ماروى الشوف منها
متكبره كن البشر عندها صغار = من حقها تفتن ولا احدن فتنها
الله وضع فيها الحسن يبهر ابهار = في خلقها كل المحاسن وزنها
وعيونها معلم حضارات وامصار = يسحر تماديها ويسحر وسنها
ورموشها لا سلهمت تطلب الثار = مثل الحراب ف/ذودها عن وطنها
يابنت فكري ارجعي جتك الاخبار = راحت ولا حتى وداعي مكنها
ابن الأكابر ضمها بيده وطار = هذي هي الدنيا وهذي سننها
وللموت رقصة في أساطير الاسفار = غني علي يابنت فكري شجنها
في ساحة العشاق جار الهوى جار = والمهرة الصفرا غدرها زمنها
مع طبلة الحرّاب ثار الشعر نار = والنايفه ماتت وهذا كفنها
والليل ودعنا ولا فيه خطار = و بنت الاكابر غافية في سكنها
[/poem]
.
.
.