تابوت

[خالد خزيم السهلي]

..



ابعاد ..

اشتقت لمصافحتكم ..

الشعر .. لو اتركه .. في الصدر .. منحوت
احساسه .. الليل .. والالهام .. خفاش !

ماعاد ينفع ليا من صرت .. مكبوت !!
لو ما تكلمت .. شفت ايديني .. رعاش !!

كنت ابني بيوت ! وارجع واهدم بيوت
مدري ! ولكن عجزت القى بي .. انعاش !

ماكل غلطه .. تعدّي لازم تفوت !
الجرح .. كذاب !! ومخادع .. وغشاش !!

في موعدي جيت .. ادور ..للبشر صوت
لكن بعض الهقاوي .. في الزمن .. ماش

اخاف من يوم .. ما تنفع به بشوت
يالله عفوك .. قبل يلفني .. الشاش !

العمر .. رحلة .. وذنب العمر .. تابوت ..
والآخره تفصل .. الطيّب عن اللاش !

يعيش الانسان .. ما يدري عن الموت !!
ويموت فجأه !! كأنه مابعد عاش !!