موعد غياب .. ؟

[محمد بن شتير]

صبآح النور // مسآء الحب




أحبتي


هنا موعد لتسجيل الحضور قبل موعد الغياب



/



\




/





\







تعب ,, نظم القصيد و غربته من غربة الأوطان
على ليل( آه ) تتغنى على صدر الورق بومه


من أولها حزن طيب وش أخرها مع القيفان ؟
و أنا لو يبتهج حرفي قصيد الحزن ما الومه


لك الله ما نشف ريق الكلام إلا من الحرمان
على الله بس لا يبلع حبيس الجرح حلقومه !!


من اللاوعي أنا شاعر يشكله الوعي أنسان
تخطى صدمة الواقع بعد ما فسر أحلومه



أشوف أن العمر
ذكرى و حزن يجرّح الوجدان
كأن الله خلق نفسي [ على أدنى شي مهمومة ]



و ليّ بسم الوفاء ( روحين ) خطّت للألم عنوان
[ أنا محروم من نفسي و بنت الناس محرومه ]



أنا ما أقدر على الذكرى وأنا ما أقدر على النسيان
و رب الحب ما باقي تعب ينصام و أصومه



كثر ما أسهر تحت نور القمر متشتت و حيران
أخاف الليل يتهاوى عليّ و تسقط نجومه




أحبكـ ,,
( آه )
لو بـيدي يكون أفضل من اللي كان
لـ/ أخلّي
روحي بروحك إلين الموت ملزومه



أحبكـ ,,

( تاه )
شاعرك النحيل بحالة الخذلان
( يكابر بالأمل قبلك ) و ( بعدك ضاعت علومه )



تذكرتك ,,



و طاحوا من عيوني باقي الخلان

لقيت أن ((صورتك )) فيني مع الأيام مرسومة


تعالي و أستري فيني شحوب الناس و الألوان
مثل ما يستر أبن آدم عيون الناس بهدومه


لمرّه جربيها في غيابي و العني الشيطان
و تلقين الوصل فيني نوايا بيض مبرومه


أبهديك العمر خاتم و البسك الغلا فستان
و أبترك لك من أحزاني [ رسالة شوق مختومة ]


إذا حبك [ قدر محتوم ] أجل حبك من الإيمان
و أنا مؤمن بشرع الله و أنا راضي بمقسومه



.


.



للجميع مودتي