يانجمة الليل جاني من غيابك ( أرق ) ! .............
لابيدي حيله .. ولالي فالمواصل دوا
طلّي قبل يخطف إعيوني .. سمار الشفق ............
خايف يقولون والعهده على من روا
طفلك .. على تلّة الصبر إيتقااااطر عرق ............
حاول يطشّ الألم بـ إيد الأمل ماقوا
وانتي بعيده بعييييييد .. وكل حلم انسرق ............
يومك تركتي الدريشه فاتحه للهوااااا
لـ الذاكره (خمسه وعشرين عصفور)
.................... طارت وخلّت غصن الاحلام نامي
حاولت اناديها فـ إذا الصوت مبتور !
................... من قلّة الحيله وكثثثثثثثر الأسامي
مااحلى الزمان اللي يجي شبه ممطور
................... فيه الفرح لـ ازهر يثير إهتمامي
ياما على شانه .. بنيت الرجا سور !
................... إيخالط إسمنته ... بقايا عظامي !
سقف الأماني .. بات .. مابلّه النور !
................. مسكين خلّته الصباحات .. ضامي !
عايش حياته محتضن وحشة الدُور !
.................. وتقويم هجري ع الجدار الأمامي !
غيميّه الروح إمطري قُرب وشعور !
................... ماتت على الحروه سنابل غرامي
طفلك تعب فـ شحوحك يجامل الجور
................. خلّوه ربعه .. عقب طيبه / حرامي
انا لحالي .. والشعر .. عدّة بحور !
................... والصبر قارب والهوا لون شامي
لو مرّ جنح الليل .. باالليل مغرور !
................ كيف أنعتق عن سجن زود إحترامي
ذنبي تركت القلب ( فزّاعة طيور ) !
................. وذنب الطيور إتخاف من ايّ رامي
تايه فـ حُسن الظنّ مادلّني الشور !
............... تصبيرتي طول الطريق .. إنتظامي !
أحتاجك إحساسٍ نبت وسطه زهور !
................ يملا السما فتنه .. ويغري حمامي !
(الشوق) حاصرني متى وصلك إيثور ؟
.................... ياشينها لاحاصر (الشوق) يامي !
آخر المشاركات
03-07-2010, 09:13 PM
(خمسه وعشرين عصفور)!’
العرض الشجري