[ ترسُـبات ] .. !

[مي اللاّفي]

/




شهيق :


ليتني ماكنت أحبك ..
ليتني ياليتني ,
ماْ رتبطت بـ ليتني وأقوى و أكبّك ..


لو قدرت أتوب عن سمع الأغاني ,
ماقويت أتوب عن بوح القصيده ..
لن أنا جدا ً أعاني ,
ولا لزمت الصمت هذا يعني أن همي أزيده ..
خلني أرتاح بقصيده ’


وأكتب أن قلبي يحبّك / مايحبّك / لا يحبّك
وأرتجل حبّه قصيده ..
في نهايتها يسبّك ,
ويتعوّذ من أبليسه ..
يشطب آخرها ويبكي ,
: إيه أحبّه ..
لو عليه الدمع أصبّه ..
وماتغيّر لو تنكّر لي زماني ’
وصرت أعاني ..
أبقى أحبّه ,


وليتني ياليتني أقبل الدنيا بدونه ..
وإن حزنت أبكي لغيره ,
وماتحاصرني عيونه ..

ليتني ياليتني


/
\
/

[ ترسُبات العشق الأوّل فيني ..
عاقت على قلبي يعيش لـ ثاني ]

لو كنت أعرْف التاليا مخليني ..
ماكان حطيته غلاة أخواني ’

أقول أبنسى روحته يمديني ..
وأشهق نسيته وأزفره ماامداني ’

[ أشم ريحه لاأعرقت كفيّني ..
وأخيل زوله لاأقبلوا خلاني ]

أعيش صوته وأندهه : توحيني ؟.!!
ويرد صوتي من ورى بيباني : ..

.. إنسي غرامه , وأنكسر في حيني
وشلون أبنسى واحد ٍ خلاّني ,!!

لَكَـنّ ماخلاّ دفاه يديني ..
أحس به لو نبضته تجفاني ,

دفاه حاجه باقيه تبْكِيني ..
بالذات لا غنيت له تحناني : ..

.. ( وشلون يسكن هـ الفرح في عيني ,!!
وذكرى لياليّـه [ عنا ] تملاني ) !!

وإن عشت بعده هـ الدفا جافيني ..
[ والبرد للـ عيشه معاه أغراني ]

ماجيته أرجي عاطفه تكسيني ..
عُـري ّ عزّي [ لا ] ستر خذلاني ,

لو كنت أشمّـه لااعرقت كفيني ..
وأشوف وجهه في وجيه أخواني ,

مصيري أنسى روحة مخليني ..
لو عشت أبشهق وأزفره ماامداني

/
\
/

زفيـر :

هـ الليل يعبث في خفوقي وأخليّـه ..
وإن هز بي ذكرى حبيبي [ غفيته ]

لنّي كثر مااعاف لااجيب طاريه ..
يومه توفّى داخلي مارثيته ’

غسلته بـ دمعي وجفني يغطيّه ..
كانت عيوني بيت !!؟ يقبرْه بيته ’

كانْ في عيوني وأهتني به وأداريه ..
أضحك حضوره وإن تغيّب بكيته ’

والحين مات ولو يقولون ناديه ..
الحي لامن صدّني مارجيته ’

وشلون ميّت لاتحوّجته أرجيه !!
لو كنت أبلّع عبرتي لاطريته ’

أحن له وأقول : بسلى وانا أبكيه ..
ويجف دمعي ماقويت وسليته ’

\



/


\


\




ودمتم ْ بـ وافر السعاده .

 

[عبدالرحمن السمين]

مي اللافي
.

جعلتي التنفس يزداد نقاءا وشبقاً للحياه .
نص مفعم بأبجديات الطهر والنقاء .

صح قلبك مودتي لك .

 

[نواف العطا]

مي اللافي
كلمات كـ الماء جعلت من كل شيء حي
نبض راقي يتقد عذوبة وحسن لكِ كل
الشكر على هذه الرائعه ودمتِ بود

 

[عبدالله صلال العساف]

مي اللافي
ترسبات جميله
مفعمه ببوح راقي
من شاعره رائعه

 

[خالد العلي]

.
.

شعر عشق ورب الكعبة!!

شعر من الوجدان الذي انبت ورود الاعجاب والدهشة ..
مع كفين تجيد الصفيق وبحرارة لهكذا عشق عبرت عنه مي اللافي بشعر حقيقي!

شكرا لك ياشاعرة على ابهاجي وابهاري !

شكرا ياأخية

 

[ناصر حطاب الدهمشي]

مي اللافي .. في كل محفل أنت ِ سيدة الحفل ..
يا مي .. شهادتي فيك منتهيَّة الصلاحية ..
فــ أنت ِ من ظمن أسماء قليلة لا أستطيع تجاوزها .
فقط دعيني أُراقبني هُنا .. فوجود إسمي بهذا المكان بلا شك سيزيل ندمي على وجوده ِ بأماكن
أصحابها للأسف لا يستحقون مني التواجد بنصوصهم ..
مي اللافي .. من يعجز عن رسم عشْقِه من الداخل ما عليه سِوا نسخ كل نبضة و قبضة تعبر من خلالك ..
و
كان يا ما كان
.
.
ناصر حطاب الدهمشي

 

[مي اللاّفي]

/


أخي عبد الرحمن السمين

شكرا ً لـ مرورك النقي ّ
أغرقتني بـ كرم حرفك ْ وخالقي ّ


’

 

[محمد الغشام]

,

,

ترسُباتْ : تندلج على أروحنِا بسلاسه
لنرى الصُور أمامنا

عاشقه تكتُبْ مِن دمْ الغيابْ ..!

عاطِر التحايا ياميْ