[ تمتمات اللاشعور ]

[مليح عياف الرويلي]

بسم الله الرحمن الرحيم



وكل عام وانتم الخير لكل عام



متواضعه تطلب ادنى مراتب الرضا


^

^

^


[poem="font="arial,5,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]استطيع آفك مابين السطور=والشعر باقوى المعاني اغرقه
من ذكاي استغبي ببعض الأمور=ومن غبائي شمس صدقي مشرقه
اكبح جماح الغضب عن مايدور=وآتصبر تحت ضيم المطرقه
بالجلاده لا ترا ماني صبور=لو تشوف غصون حلمي مورقه
القياس ان كان محبوس بصدور=محتويها ظن محدٍ يعتقه
يقتل البسمه على ثغر السرور=والغلا المكنون يمكن يحرقه
زارني من حيرتي شيخ الغرور=قال بنتي عششت في مفرقه
اندهشت وشلت له كرت العبور=قلت بابه لاتحاول تطرقه
اسرد الأعذار يمكنّه غيور=سيّما انه صاب قلبي بطلقه
أدري أنه ظلي بحر وحرور=واستحلّ الروح والقلب سرقه
الغصن مايشتكي أنس الطيور=والمطر عشق الصخر لو يخرقه
مشكله: سيل المشاعر لو يجور=والجبين: ان ضاعت جهود عرقه
ارجع الأبصار وآشوف الفُطور=وآتجاهل كل شي ومنطقه
اسرقه من بين بتلات الزهور=واسكنه بالجفن لو هو أرّقه
الأمل في تمتمات اللاشعور=والالم بالوعي عاث وفرّقه
هي مشاعر عابره دايم تبور=بس ابنشرها بمليون ورقه
قمة الإحباط واحباط الشعور=يوم تُركن خارج اسوار الثقه!!![/poem]