( القدس – والفاتيكان ) !!

[نايف السميري]

[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]

شف وش حصل لمقدسات المسلمين=تداس من "خــامـا" و"بـابـا الفاتيكـان"

هذاه شيء مايسر الصالحين=شي يزيــد التفــرقـة والاحتـقـان

فالقدس صاروا واعظين ومرشدين=عن انتفأ الامــن في ظــل الامــان

وعن قيمة الكلمة ومبدأ العادلين=وتمازج الاديان واســفاف اللســان

داسوا على طهره وكني به حزين=يقول عقب الطهــر ارادوني مُهــان

فعلٍ يمارس بأسم عدل وبأسم دين=وهـــو نتـاجٍ للسيـاســة والمـكــان

في ظل تغييب العداله من سنين=والحق والتاريخ وانصاف الزمان

هم في نظرهم كلبونا عابرين=من دون حق ودون ثار ودون شان

وحنا ولا كنا نحس وشايفين=مستعذبين الصمت واصناف الهوان

كنا عن اللي شايفينه غافلين=يالله بيـدك النصـر وانت المسـتعـان

[/poem]