لاوغـــــــــــلاتـك0

[سعد المطلق]

مصافحه أولى تلبيه لدعوة الأخ ماجد صخنان يشرفني الإنضمام لمنتداكم العامر
[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
لاوغلاتـك. مابقـى بالسمـاء نــور=من رحت عنـي مابقـى بـي بقايـا
أحس كـل الكـون خالـي ومهجـور=شفت الوداع شلـون سـوى سوايـا
يبكيك قلب وبيـت والبـاب والسـور=.والضيقـة اللـي ساكنـه بالحنايـا
ويبكيك وجه الأرض العشـب والبـور=وليـل النجـوم الظاهـرات العرايـا
ويبكيك طعم العدل والظلـم والجـور=والكـذب واللـي ساكـنٍ بالخفـايـا
ويبكيك صمت اللي من الهجر مقهـور=ويبكيك صبـح الطاهـرات الصبايـا
ويبكيك صدق ونبض وإحساس وشعور=والتوبـة اللـي عذبتهـا الخطـايـا
ويبكيك غصن جـف وأوراق وزهـور=وتبكـي عليـك المظلمـات الزوايـا
ويبكيك عمر مات له حفنـة شهـور=ويبكيك طيب وصدق بيـض النوايـا
حتى الشوارع دمعهـا صـار معـذور=والأرصفـة وأنـوراهـا والمـرايـا
تعال شف صدر السماء شـح بالنـور=الكـون كلـه فـي غيابـك ضحايـا[/POEM]