من أجمل ما قيل في الشعر النبطي...

[نوال الشمراني]

اخر اللي سمعته في نهار الوداع
دقة القلب مدري صوت عجل الخطاوي


نايف الطول وش سوابي الانقطاع؟
صار بين الضلوع القلب كنه فداوي



بيني وبين ضحكات السعاده نزاع
كني اللي قضى عمره طريدٍ جلاوي



لا تلوم الذي سوى لك المستطاع
خف من الله وخل جروحنا بالتساوي



عن هذيك النواعس ليه شلت القناع
الحيا وين ياللي طول عمرك حياوي

كن في خدك الطاهر بروق وشعاع
اثرها رحمةٍ للناس بعض الغشاوي

وش يفيدك عذابي ياغريب الطباع
ليه دايم على الملتاع سيلك نحاوي

امتلي غيض وازعل يوم وارجع بساع
راعي الجرح يستحمل عذاب المداوي

غالطوني وقالوا ليش هالاندفاع
ادوخوني عليك مكثرين الحكاوي

عذربوك بوجودي بالجفا والخداع
فيك حلو الوصايف صوروها مساوي

التزمت السكوت ورأيهم فيك ضاع
لين قالوا ترى متعب على البعد ناوي

ميت القلب عرضت الغلا للضياع
والله اني على قطع الرجا بك مراوي

ماتغيرت لين انك لويت الذراع
تحسب اني على الهجران ماني بقاوي

لوتقول انت ماعقب الفراق اجتماع
عندي اليوم كل اللي تقول متساوي

ولو يقولون صار يخاف قلب الشجاع
من هك الليله وبيت القصيد امتهاوي

بين شقر الجدايل والعيون الوساع
اذكر اني فقدت القلب في هالحراوي


"متعب التركي"

ود
@جاهله@

 

[نوال الشمراني]

فمان الله يا أول من سكن بين الضلـوع العـوج
............. عسى دربك سفير و يا عسـى الله مـا يخلينـي

توكل لا توادع رح عسى درب الجفا المسهـوج
............. يصادف درب فرقى عقبها مـا تلمحـك عينـي

سمحت من الهوى ومن القصيد ومن زراق الموج
...............ورميت أغلى مجاديف الغـرام وجيـت بيدينـي

أبغرق في عذابك لا رحلت و يصبـح المنتـوج
.............. قصيد في حياتـي سلوتـي و أن مـت يرثينـي

واذا هبن بنات الريـح للذكـرى بـدون سـروج
............. أبسرج مهرة النسيان و أرحـل مـن عناوينـي

وبنسى لين أسج و برسل الونـات فـوج فـوج
.......... وبنسى دمع عيني ينتثـر و أنسـاك مـن حينـي

صبور ؟ أي و الله اني ما ثنيت العزم قبـل أدوج
........... بريضان الجفا و أظمـا لوصلـك ليـن تسقينـي

شجاع ؟ اي و الله اني ما عرفت الذل قبل أسوج
.............. قدم رجلـي علـى درب لبيـت أهلـك يودينـي

كريم ؟ اي والله اني ما عرفت الشح قبل تـروج
.............دموعي في عيوني ثـم أشـح بحسرتـي فينـي

أحبك ؟ حسبي الله ليت مالك في سمـاي بـروج
................. و لا لك بالبسيطـه كـود شـي بينـك وبينـي

دخيلك لا تلتفت رح بفالك و أتـرك المرجـوج
............... تغانم ما بقى لـك و لا أنـا مـا عـاد يمدينـي

فمان الله سق ركابك على درب السنيـن العـوج
............. و لكن طالبـك لا أقفيـت عنـي .. لا تخلينـي


الشـاعـر / ضيدان بن قضعان

ود
@جاهله@

 

[نوال الشمراني]

صمت الوداع :
**

فارقت من لاكان ودّي أفارقه
عقب الصلاة وتوّها الشمس شارقه



الفجر يوم الناس تسعى لرزقها
أنا عيوني بازرق الدمع غارقه



بكى وأنا أبكي يوم وقّفت أودعه
والكل منّا يذرف دموع حارقه



سـلّمت ويديني بياديه ترتجف
ويديه بيديني من الخوف عارقه



وأقفا وأنا قفيت والصمت حيلتي
عز الكلام ودمعة الياس فارقه



وحسّيت كن القاع حدري تزلزلت
يوم ألتفتلي وأستهلّت غوارقه



سـرقت من دنياه لذّات دنيتي
برضـاي سارقني وبرضاه سارقه



همّي وهـوجاسي وحبي وغيرتي
للي بوسـط القلب ناصبٍ بيارقه



وعوّدت للمطلاع حزينٍ ملتجي
والقلب مـّني طـارق الهم طارقه



ضلعٍ ورا المطلاع شـوفه يريحني
عسا الحيا يسقيه لالاح بارقه



كتبت في عاليه حرفي وحرفها
ورسمت قلب الحب والسهم خارقه



ذكرى غـرام مات من قبل ينولد
بفراق من لا كان ودي أفارقه

***

"طلال السعيد"

و
@جاهله@

 

[نوال الشمراني]

أوعدك :

***
أوعدك



إن كان بعدي يسعدك



الليله أرحل



من الليله باختار الطريق



من الليله الليل الرفيق



و أوعدك



ما أعاتب أو ألوم .. إلا نفسي



و ما دام في قلبٍ معك



أوعدك



حبيبتي يا ليت



ما قولك يا ليت



و ما قد تمنيت و شكيت



حبيبتي ويلي



لا من غدى جسري



أنا لنسيانك انتي ذكريات



حبيبتي



ما أصعبه نسيان ذاتي



و إلا أقوم .. أوعدك



سريت



عن الليل اللي فـ عيونك



عن بلادك سريت



و أوعدك



إني أقول إني نسيت



بس أوعديني



لا زارني طيفك و أنا وحدي



إني ما أبكي



و أنك في قلبي تموتي



و أنك على عيوني تفوتي



و ما أعرفك



و أوعدك



إني من الليلة أموت



من يوم أقوم .. أوعدك

***

"طلال الرشيد"

و
@جاهله@

 

[نوال الشمراني]

استمر في كتابة القصائد العامية .. حتى عرفة الجمهور من خلال "اسألوا دمي"
***


اسألوا دمي .. وسعادتي وهمي
اسألوا التوفيق ..
والكدر والضيق
اسألوا الطيب في صفاتي ..
والدعاء اللي في صلاتي
واسألوا شهودي ..
الدموع اللي في سجودي
اسألوهم .. واسألوا دمي ..
عن غلا أمي
الوداع
الا يا قلب نبضي ..
يا سما دمي ووجداني
فمان اللي عطاكي كل طهر الأرض ..
أنا ماشي ..
هذا كان اخر مانطق قلبي ..
وأول نبض في لساني
وتلاشى النطق ..
وعصر حزن الوداع اللي حضر قلبك دموع ..
بكت ادفى دموع الخلق ..
وسرى في داخلي برد الخشوع
وغير العطر ودموعك وجرحي من وداعك ..
مابقالي ..
استعفر اللي صورك مما طرالي
طرالي يادفى عمري..
وياترحالي وحلي
ارشف دمعك الطاهر .. واغسلبه واصلي
واحمد ربي اللي بك حباني
الا يا ام اجمل من سكن قلبي
ويا داري وعنواني
فمان اللي عطاكي كل طهر الأرض ..
أنا ماشي ..

"عبدالحمن بن مساعد"

و
@جاهله@

 

[نوال الشمراني]

الـلـه مـن قـلـب غـدا فـيه تـــفريق

يـتـلي ضـعـون مـبـعـديـن الـمـنـاحـي



قسم بـتـغريب وقـسم بـتـشــريـق

والقـسم الآخـر مـا ادري ويـن راحـي



لي صاحـب مـا فتق البيت بي ويق

ولا عـذبـه طـرد الـهـوى والـطـمـاحـي



والله يا لولا افـاهـق الصبـر تـفـهيق

لا طــيــر الــذلان ضـــرب الــمـلاحـي



أبوي يـا حامي عـقـاب المـشافيق

ا طــيــر الــذلان ضـــرب الــمـلاحـي



راعي الـدلال بـل وضـايـف غـرانيق

الدلال فـيـهـن أشـقـر الـبـن فــاحــي



وحامي حدور الخيل وقت التزاهيق

وكـريـم سـبـلى في ليال اشـحاحـي



ذبـاح حـيـل عـلـقـن بـل مـشـانيق

حـيل الغنم مـع مسـمـنـات الـقـاحـي



سوقوبها شـقح البكار المـلاهيــق

مـثـل الـقـنوف اللي بـها البرق لاحـي



ترى لها الرجـال اقـرومــن مطاليق

كسابـت الـعـلـيـا الـطـيـور الـفـلاحـي


***
الشيخ راكان بن حثلين الله يرحمه

***
@جاهله@

 

[نوال الشمراني]

الايامشين الفرقا بعد ليل جمعني به ******* اثر الأيام تضحك لي بجمعا عقبها فرقا

والآيا لوع قلبي من عناه ومن تصاويبه ******* الامنه طمن ساعه من اللي يونسه يرقا

كفخ بين الضلوع وحام واخطا من مقاضيبه ****** اجاذب زفرتي وتهل عيني دمعة زرقا

نظرته بالعيون وكن بين الناس ماليبه ****** وانا مالي مصد من الهنوف الجادل الطرقا

سألته بالذي صور جماله والبس الهيبه ****** سبق وانك سمعت من الحمايم نايح الورقا

انا لجلك ملاحيها بقلب عاوي ذيبه ******* يدندن في ضلوعي راعده وينوض له برقا

أفر من الجزع والهم مدري ويش اسويبه ****** واودي عيني القشرا مع اهل الغرب والشرقا

تدور في الضحى كله وتالي الليل تسريبه ****** عيون مالها الا السهر يسرق نومها سرقا


*****شايع العيافي

@جاهله@

 

[نوال الشمراني]

الطريق المظلم المهجور

تخوفني مشاوير الطريق المظلم المهجور
و اليا مني ذكرتك قلت طولي يا مشاويري

عزاي انك رجاي العذب لو كل الدروب عثور
وصلت او ما وصلت اعرفك ما انته منتظر غيري

حبيبي وكل الله لاتحسب إني بليد شعور
لو انت المستحيل الصعب ما ابدي لك معاذيري

احبك رغم تجريح الليال لقلبي المقهور
اشوف الجرح يكبر و انت تكبر وسط تفكيري

احبك لو يموت الحب و تصير القلوب قبور
احبك كلمة لو حرموها حل تفكيري

احبك من هنا حتى طلوع الفجر حد النور
صحيح انك قدر محتوم بس اجمل مقاديري


بعذر اللي يحبك لو يصير الشاعر المشهور
لأنك تنهمر حلو القصيده في تعابيري

احد ربي يحطك له حبيب و ما يجيه غرور؟
و انا مهما بغيت استوعبك يا قل تقديري

هلا بك من قدمك لغرتك لي شعرك المنثور
هلا في كل شيٍ فيك و انت اغلي مساييري

أثر صدق الغلا يجبر حطام الخاطر المكسور
و انا مهما منحتك من غلاي اشعر بتقصيري

و لو طالت مشاوير الطريق المظلم المهجور
انا لا من ذكرتك قلت احبك يا مشاويري


الشاعر / مساعد الرشيدي
***

@جاهله@