غن / لا ضاقت عليك الوسيعه / غن

[العـنود ناصر بن حميد]

وحيد يشعلك هذا الحزن.....من أولك لأقصاك

ولا يشعر بنارك كل من يدفى على.........مصابك

**
يحيرك الدجى ........مابين تغريدك وبين بكاك

شعور غامض...............لاشبـت النجمات ينتابك

**
تأمل كل مابك........ منغلق لو تفتـح الشباك

تأمل كل مابك .............مكتئب لو ترخي أعصابك

**
سكوتك/قبر صوتك.... والسما مقصورة لمناك

تبي تتجاوز الدنيا.................ومالك غير مشعابك

**
تفتش ......باللغة عن مفردة تتناسب ومغناك

تدور بـالسما عن غيمة..............تحنو على تـرابك

**
وش الغربة سوى شعور يقول:إن الجسد منفاك

وش الحيرة سوى إنك........يوم تسأل كيف تحيا بك

**
رغم كل السحاب اللي تمنى.....وما قدر يرقاك

يا ليـت إن الأفق ممكن...... يحس بوحشة عقابك

**

يأس منك الطرق اللي تعود يصغي لممشاك

يأس منك الرفيـق اللي...... عجز لا يفهـم عتابك

**
يأس منك النهار اللي شهد(ياما) ارتباك خطاك

يأس منك الظلام اللي ..جلس (ياما) على أهدابك

**
ملايكتك تحدك تغفر لهذا الزمن ما جاك

وشياطينك تحدك............ تبرز لهذا الزمن نابك

**
تأكد لو هي بتحسم جنون المعركة شلفاك

ترى هالناي ..........ماله أي قيمة عند مخلابك

**

تحس إن القضى قد له ليال يدور حول حماك

قرب موعد خريفك قبل لاهي تنبت أعشابك

**
على نغمات موسيقى حزينة تندثر ذكراك

و مصير أسود..... متلـهف يوقـف على بابك

**
قبل لا تـوصل لذيك المدينة تنتهي دنياك

و عادك بأول الصحرا ......حرام تـنـوخ ركابك

"محمــد المرزوقــي "