رَائـِحـَةُ مـَطـَر ..!

[هند الفهيد]

/





شكّيت بعيون العواذل سكاكين
واسدلت من جفن الليالي ستاره
واصغيت لاصداء المشاعر بتدوين
وللشعر في قلبي عيون وشراره
والشوق فيني يحطب القلب ويدين
ويشبّ بضلوعي من الهم ناره
ياللي تلوم الروح بالشعر ، عن مين ؟
لاتبهت احساسي وتهدر بذاره
عدّ الحنين إن جاب غايب يعزّين
وعِدّ المعزّي بياخذ إن حنّ كاره
ويافيلق الذكرى تعالوا ،على وين؟
زفّوا على قلب الحزينه البشاره
جيبوا لها من ريحة الدار روحين
ريح الحنين وريح جدّه وداره
وإن كان باقي له من الشوق قوسين
فالقلب ع ابوابه جنود وخفاره
والعمر يدفنّا على مود بعدين
يارب ماتنفد سنينه خساره

http://www.alsabahpress.com/media/fi...sions/11_5.pdf

/

 

[هند الفهيد]

/




الشعر ماجاب غالي وماستر جرحي
ينزف هذاله زمان ودمعتي تترى

قل للذي خيّب اظنوني وهدم صرحي
ربّ السما نزّل اليُسرا ورا العُسرا






الوطن لانام غطّوه بكفن
نومته كبرى وتعني لاحياة

يمكن التوبه على المخطي زمن
لكن الأوطان أخطاءه وفاة






الوطنُ نائم .. وعيونهنّ تنزّ الدمع ، تئنّ بالوجع ..




إشعل من اعيون السما قنديل
الليل هذا غايبه مكسور

خلّك على اعيون الحبايب ميل
يرسم عن الحزن المسجّى سور






عينُ الغيرة تحدجُ فم الاشتياق فيُحجِم ، يُلجَم .. صام الكلام ونام ..




ماللطريق احباب
ياهاجس التخمين

سكة سفر واغراب
واعيون تسأل وين؟

ولا تنشدالغيّاب
هذا الغياب إلوين؟

وإن كان قلبك خاب
تبقى الأماني الديْن





خاصرة الحرف تئنّ ، مثقلة بالحنين ولا حروفٌ تسندها ..




الصبح يدري ويسمع تمتمة صدري
والوِرد مجداف روحي وصارية صبري

واللهِ حسبي تهدّي وجف خفاقي
مرهم على جروح صدري وانت ماتدري





قِل للّذي عيّب النجمه مِداها بعيد
وما عيّب الكرم إلاّ عاجزٍ مايطول

والشمس ضوّه على كل الفيافي بريد
ترسل شعاعه و لو بالجوّ غيمٍ يحول






بعض البشر لايستحقون رفع قدرهم قيد أنملة ، فهم كلّما رُفعوا خفّت عقولهم ، والعياذ بالله





ايخيب ظنّ الناس بالناس أحيان
واحيان بعض الظنّ ايفرّق الناس

لاتكسر اقداح المسافات من شان
لو انكسر إحساس ،ماللأمل كاس






صفعة الحنين موجعة ، نتحسّسُ آثارها على وجان أرواحنا ، لن نغفر لك ياحنين حتى تفي بوعدك المعلّق على نوافذ قلوبنا ..






المكان الذي يُبكينا ، حقيقٌ به أن يمسح دمعنا ، لكِ الله ياآثارُ ماأبقيتِ لنا ..





الحنين اللي رفع عينه لعيني
وانكسر قلبي وضاقت بي سنيني
مارحمني
ولا قطف زهرة ولا اهداها يديني
آه منّه
آهٍ من عمرٍ جحدني
وآه من نبرة حنيني









سبعُ سنابل اكتملت ، وليلةٌ عجفاء بااردة و بلا قمر ..







هذا المسا قهويته
ضيقة جناي وحزني

من مرّني ناديته
ومديت له من مزني

دمعة عنا وياليت
شال العنا واوعزني

 

[هند الفهيد]

/





قـــِـــل لـــلــّـذي أهـــــــــــــــــمل حــياته ودينه
وش ينـــــــــتــــــــظر لاراح عمره بــلا زاد

وضاعت سنين العمر والحال طينه
وروحه تـــــــــنازع والحشا جرح وقـّـاد

اللــــــيل يرقـــــــــــد في ثــــــــــــياب المدينه
والهمّ في قـــــــلــــــبه على الدوم رقّــــــاد

محروم بالدنـــــــيـــــــا ونفـــسه سجينه
ما يـــتــــّــقي ربـــــــه على الاثم معـــــتاد

ضيـّـــــــــــــــــع عياله وما رحم والــــدينه
والمال لـ اسمـــــــــــومه زرافــــات وآحاد

وراح العمر بمخــــــــــــدرات وغبـــــــينه
عقـــله غدا والروح للموت تــــــــنــــــقاد

لامن فِـــــــــقــَـد سمّه تســــــــمّع ونــــــــينه
ولامن تعاطى به كما الطير منصاد

وعـــــــــــــــــــــدوّ دين الله فتل ساعدينه
مامــــــــــدّ له خــــــــــيرٍ ولا بالرجا فـــــــاد

إيــدسّ له سم ٍ يحــــــــــــزّ بوتــــــــــــينه
وللتهلكه قــــــــــــــاده ألا بئس من قاد

وقل لـــــلـذي أهــمل حيـــاته ودينــــــــه
وش ينتـــــــــظر لاراح عمـــــره بلا زاد

يالله تعال لدرب منـــــــجي السفينه
درب ٍيـــــــــسوق الخير للخير ميعاد

الدين محـــــــــــتاجك يدينه وعــــــــــينه
تخدمه وبروحك وتغــــــــــــــنيه بجهاد

وهذا الوطن تبقى عيونه / يدينه
لاصاح ماغـــــــــــــيرك مواثيق واعماد

والنفس امانه من أضاعه يِــــدِينه
رب ٍ وهـــــــــــــــــبها واحد بْرحمته جاد




/

 

[هند الفهيد]

/



الشـــــعر ماجاب غالي وماستر جرحي
ينــــــزف هذاله زمان ودمعتي تـــــتـــــــــرى

قل للذي خيّب اظنوني وهدم صرحي
ربّ السما نــــــــــــــزّل اليُسرا ورا العسرا



/

 

[هند الفهيد]

/




شــــــــكراًعلى كلّ شي الغـــــــبن واجروحك
وكلّ الدمــــــــــــوع التي سالت مع اجروحي

البارحه مع هـــــشــــــــــيم الروح وامزوحك
حطّمت وبْذوق حلمي وقلبي واصروحي



/

 

[هند الفهيد]

/




ماكل من خطّت أماسي " أماسي"
وماكل من قالت أنا هـــند هي " هند "

واللي خلق حَبيـــــــــــــــبتيّه بـِراسي
لارسل دعاي اجنود جندٍ بـ اثر جند





/

 

[هند الفهيد]

/



كلٍ على ليلاه غنى لِـ ليــــــــــــــــلاه
وانا التي للجرح بوحي يغـــــنّي

يا زهرة العيد القديمه على ماه
علّقت بك ذكراي واحسنت ظنّي



/

 

[هند الفهيد]

/




يالله صباحٍ يطرد الضيق وِردِه
يمسح عن الاجفان سنو التناهيد

على يدينه طفل بوحي يهدّه
غفوة قهر يابوح / لاحلامنا عيد




كفّي يدينك عن حنيني وغيبي

كِفّي يدينك عن حنيني وغيبي
** * * * * * * * * ماباقي إلاّ عالة القوم يحكون
يااحلام خوذي ماكنزته بجيبي
** * * * * * * جيب الأماني ضاق والملتقى بون
فـْ لاضاق صدري لايهمّك ،طبيبي
** * * * * * بوحي وصمتي وحلم بالقلب مكنون
وان يوم خانك في يبابك مغيبي
** * * * * * فالشمس مهما ظامها الغيم بتكون*
وْ خبّي طموحي وْشامة الصبح جيبي
** * * * * * لي من ضياها خيط للحلم واردون
ولاضقت فزّي واضحكي لي وطيبي
** * * * *وإن كان خابت بي ظنونك فانا امون
وظبّي حنيني في جيوبك وغِيْبي
** * * * * * *ولا جاك همّي حِسّك القوم يدرون


/