[ .. شتات .. ]

[محمد البدراني]

يا شيخ تكفى شوف لصيامنا حل
شوفت كحيل العين تحتاج فتوى

اليا ضحك نفطر على ريحة الفل
واليا حكى كن السواليف حلوى

طيفه تمرد داخلي اجتاح واحتل
كل المشاعر قدمت فيه شكوى

طفله غنوج وتكسر الظل بالظل
فيها طهر وانفاس صايم وتـقوى

مثل البياض حضورها مابها غل
لو تطلب اقصى خافقي قلت فدوى

يا شيخ تكفى شوف لصيامنا حل
الحب بلوى وشوفت الزين بلوى

2 / 9 / 1433

 

[محمد البدراني]

.
.

ضحكاتها زمزم و شوفتها تمر
وصيامنا شعره مابيني وبينها

لا قالت محمد تملاني عطر
الذنب ذنبي ولا ذنب عيونها

 

[محمد البدراني]

.
.

هذي الحياه ذنوب جدك وجدي
ادم ابونا واعظم الذنب تفاح
لاتلومني لاشفت دمعي بخدي
من ضيقة احوالي ومن خيبتي طاح

 

[محمد البدراني]

.
.

صايم و امووووونه دلع عذبتني
ي امها تكفين شوفي لها حل

غنج / وتمخطر ياهي والله فتنتني
بنت اللذينا بالمشي مالها ظل

 

[محمد البدراني]

.
.
ما عاد بدري

^
^
^

الا .. بدري .. كل شئ !!

 

[محمد البدراني]

.
.
الحلم وان عيا زمانه يجاريك
حاول تكون ازمان بعيون حلمك

 

[محمد البدراني]

.
.
هذي المدينة ليا من غبت تفقدني
ماكني الا ولدها مثل امي تمام

قالت محمد ترا غيبتك تحرقني
ما تدري اني اذا سافرت ماقدر انام

 

[محمد البدراني]

.
.
لو كان حلمي بعين الخلق قبر و كفن
ما مات حلمي وانا له ارض توت وبلاد

ياوقت وان جيتني بيديك جرح وحزن
حلمي عنيدٍ لك الله و انا اكثر عناد