الوعي.... سيد جنوح العاطفه للبلل
يالأرض وين اتجاهات المدى والسبيل ؟
***
كني أكفكف من أطراف الوجيه المُقل
أو يمكن إني ارتـب بالحنايا ..دخـيل
***
يامضغة الغيم وحدود الطشاش السهل
المردفه ريح.. والصـحرا نهاية نخيل
***
مابينهن طاح من طاح وجفل من جفل
إلا انا ..كنت أراود رغـبة المستحيل
***
هذي حدودي ولي حرفٍ حزينٍ ثمل
أوقلب دام الفضا وسّع كفوف البخيل
***
والصاحب اللي هقى حلمي كمل/ ماكمل
ضوّيت له كل اصابيعي وطفى النحيل
***
شربت صوتي اخاف من الحكي لاصمل
تستأنس الريح وتشيل النحيف الهزيل
***
والوعي فهم الخطا الأبسط بوسط الجلل
والسالفه دامها ثقلت.. طلبتك ..تشيل
بدر صفوق
آخر المشاركات
04-23-2007, 02:36 AM
العرض الشجري