|| موطـن الْـ ضّي

[هـيـفـااللاّفـي]

.
.
هو موطن الـ ضّي وشموعه تداعبني
ـــــــ كل الغلا له ولأجلي سالت أشواقه
من حبر شوقه حبيبي اليوم يكتبني
ـــــــ ينسجني شعر وشعور بداخل أوراقه
وان طاحت عيوني بعينه يضيّعني
ـــــــ اضيع واتلعثم بنظرات سرّاقه

 

[هـيـفـااللاّفـي]

.
.
عقارب الساعه ومرت ثواني
ـــــــ لكنها ساعات وقت إنتظاري
من اشتياقي وإنتظاري أعاني
ـــــــ لين استباح السهد كل الحواري
أعطيت أنا هذا المسا ما عطاني
ـــــــ شح بعطاه إلين ضيع مساري
أي والله أن الشوق كله كساني
ـــــــ خلاني أسهر معْ سنا جمر ناري

 

[هـيـفـااللاّفـي]

.
.
صباح الخير يامعطر صباحي
ــــــــ بلابل صبحنا غنّت عشانك
حبيبي إن كنت في هـالصبح صاحي
ــــــــ يهب الصبح نسمه من حنانك

.
.

 

[هـيـفـااللاّفـي]

.
.
.
من علّم الليل يرسم داخلي صمته
ــــــ وأنا هدوءه أشوفه قمّة الأزعاج!
مسكت ليلي وهندمته ورتبّته
ــــــ علقت في سكته للعابرين سراج

 

[هـيـفـااللاّفـي]

|| عطر إنعتاقي ...

.
.
من الحنين وليل ياطول باله
ـــــــ أسترسل بشعري وأقطع وثاقي
واذا رمى ليلي بصدري حباله
ـــــــ يبي يعيش النصر وقت أحتراقي
واذا أحترق عودي أوصل رساله
ـــــــ مع النسايم فاح عطر إنعتاقي
يذبحني احساسي ومتعب سؤاله
ـــــــ عن الذي هو السبب باشتياقي
كل غصن فيني بالغلا أنحنى له
ـــــــ أثمرت له مدام لي صار ساقي
الحب والدفء أندمج في خصاله
ـــــــ لازال عطره في يدي الحين باقي
الغيم جاوب لهفتي بإنهطاله
ـــــــ واسقيت بستان الغلا بالسواقي
احساسنا زاد الشعر بأشتعاله
ـــــــ كذا يكون الشعر اعذب وراقي ..

_ كيم كرديشيان _

 

[هـيـفـااللاّفـي]

.
.
بعضٌ من شعـور لـ / ............
النقاط لاتعني بالضروره شيء .. واحياناً تعني كل شيء ..

أوله عليك وارسم الشوق فـ ابيات
ـــــــــ والشوق طير مغردٍ فوق غصني

لازلت أطوح من عنا الشوق اصوات
ـــــــــ بس المصيبه للأسف مافهمني ..

 

[هـيـفـااللاّفـي]

.
.
يمر الديم يمطر وبل بوحي
ـــــــ إلين الأرض تنبت لي أغاني
يرفرف طير عشقي فوق دوحي
ـــــــ تغرّد حنجرة صوته أماني
ولو قلبي تألم من جروحي
ـــــــ أعيش أفراح وآمالي مواني

 

[هـيـفـااللاّفـي]

ولأني أحب هـالأغنية ..