غن / لا ضاقت عليك الوسيعه / غن

[رجا المريخي]

[POEM="font="Simplified Arabic,5,orangered,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]صوره عليها حرفك اليوم تذكار = صوره قديمه ساكنه في وسط رف

من بعد ماكانت تراقص بها أنظار = اليوم عيني من نظرها ترى كف[/POEM]

 

[نواف التركي]

[POEM="font="Simplified Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]سحقاً لهذا السديم ووجهه الشاحب = غمّضت جفني عليه ولا وصل بكره

غلطان من يعتقد بأن المدى راحب = غلطان من يعتنق لو كذب هالفكره

من علّم الورق تسجع لحنها الناحب = من علّم الصوت يرجع فـالصدى مكره

كن لي عدواً ولكن لاتكن صاحب = عشان أرد الطعون لصدرك وأكره [/POEM]

 

[نواف التركي]

[POEM="font="Simplified Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]أرفع نظرك لـ / فوق = أحذر تناظر تحت

رد النظر برفوق = وأنحت غلاتك نحت

عشان أجي لك شوق = وأرحل معك لا رحت

يابو الحلا والذوق = أرتاح كان أرتحت

وأغضب أذا بك عوق = وأطيح كانك طحت

ألوق لك وتلوق = وأبوح لك لا بحت

لو كنت بك مسبوق = في كفتك رجّحت

على كثر ما أتوق = لك يا كثر روّحت

طيفك يمر يبوق = نومي ولا أمرحت

أصحى معاي وروق = بـ / أستنشقك لا فحت

مريت بي طاروق = هيجنت بك طوّحت

صوتي عشان تفوق = وتشوفني لوّحت

بيدي وناظر فوق = لآني ما أنزل تحت[/POEM]

 

[نور الفيصل]

على آخر تراب الأرض

على آخر تراب الأرض ...
أحسن أن المسافة شبر ...
وكل الأرض ... ما تحمل تعب مشوار ...
أحس إني ... رغم صغري ... تفاهة عمر ...
في صدري ندم جبّار ...
يا ليت ... يا ليت ... ما كانت لي عيونك أرض
ولا عمري وقفت فـ يوم
على آخر تراب الأرض ...
تصّورتك ... وحزن الناس ...
جرح النّاس ... وهم النّاس ... في عيونك ..
تخوني النّاس وتخونك ...
تصّورتك في شامة ليل ...
على خَدِ السَّما الزرقا
زحَام والدنيَا سهرانه ...
أحَد نازل وَأحَد يرقى ...
وأحَد مِثلك يخاف من الَبلل والطين ...
يقول إن الرعد قاسي ...
يحس ان المطر سِّكين
يحسّ ان الذي يضحك ... يحس ان الذي يبكي ...
لا حَد مسكين ...
تصوّرتك ... ولا ادري ليه ...
ولا أظنك بَعد تدرين ...
يا انتي ان المسافه ِشبر ...
يا انتي إن الليالي َصبر ...
وكل الأرض ... ما تحمل تعب مشوار ...
على آخر تراب الأرض ...
على الميهاف ...
ومرتني الليالي خفاف
تَعدَّت عمري المعدود ...
دِريت ان الَمدى محدود ...
وان الليل لا شعرك ... ولا رمشك ...
ولا شفت الشفق في خدود ...
دريت اني عجزت املك ... ولو همّي ...
ونزيف الجرح ... من دمي ...
صحيح الدنيا ما تنشاف ...
وانا وانتي على الدنيا ...
وعلى الميهاف ...
أحس ان المسافة شبر ...
أحس إن الليالي ... صبر ...
وكل الأرض ... ما تحمل تعب مشوار ...
أحس إني رغم صغري ... وتفاهة عمر ...
في صدري ندم جبار ...
يا ليت ... ... يا ليت ... ما كانت لي عيونك أرض
ولا عمري وقفت فـ يوم
على آخر تراب الأرض ...


... للبدر بـدر بن عبدالمحسـن ...

 

[نواف التركي]

[POEM="font="Simplified Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]أقلب في اذاعات العواصم طول مشوارى=هنا صنعا00هنا مسقط00هنا00ثم اقفله واسرى
اذا صوت المغنى مايجى من يمة ديارى=فلا أطرب ولااشتاق ومايرتاح له صدرى
وماغنيت الا غنوةٍ تستخلص أشعارى=أصير ان مسّنى وجدى لخلانى بها قمرى
مضى عهدٍ طويل وهذا انا تحملنى أقدارى=مثل ماتحمل الريح البعيده حومة النسرى
سفر أضرب دروبه حيث رزقى بايعٍ شارى=بروح الحالم التواق والاحلام بى تغرى
نزلت أرضٍ مثل أرضى بدارٍ تشبه لدارى=بقومٍ اقرب لقومى بفكرٍ ينتقض فكرى
مدينه من مدن صالح بها خليت آثارى=تدل انى وريث الناس فى عصرٍ مهو عصرى
عرضت بضاعتى فيها بوجه الريح للذارى=حطب0ارطا0سمر0لله ياهل النار من يشرى
وتذوى فى مدى طول انتظارى بهجة أزهارى=متى مرت عيون العابرين أحيان تستقرى
وكم علقت ايام الشتا باطرافها نارى=أراعى للنجوم النازحه بالبعد من خدرى
تمر بخيمتى نسمة جفا وتحرك أوتارى=وتعزف بى حزن0مدرى شجن مدرى بكا0مدرى
بكيت لسدرة البيت الصغير بكل أسفارى=لصوت أمى,لعشقى,للحمام لزرقةالفجرى
أنا مهجور الا من حنينٍ يسبر أغوارى=عليه أستقبل أطياف الاحبه كل مايطرى
تولاّ كل محبوبٍ لنفسى يفهم أسرارى=وذا قلبى غدا دفتر قصيد ومدمعى حبرى
حزنت البارحه وانتى تعديتك بمسفارى=ولابد الطريق يجيبنى لك يوم وانتظرى[/POEM]




فالح الدهمان

 

[نواف التركي]

[POEM="font="Simplified Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]استباحت سراير مهجتى أمسيه=كنت نورٍ أحس بضيق عتماتها

ماثلٍ فى طريقٍ وجهته مقفيه = تنتحر فيه آمالى بخيباتها

كم بعيده هكالضلعان والاوديه =والمنازل وكبدٍ من فلذاتها

وردةٍ أشعر انى حب مستنديه =إيتنفس شذاها كل من فاتها

وانا حارس على نقطة شقا مضنيه =تعبر الناس حزنى بابتساماتها

مالقيت فمكانى ذاك من تسليه = غير بيضٍ اتقدم لى هوياتها

علهن يبسمنّ بنظرةٍ مغريه =علهن يمنحن الروح رغباتها

يعبرنى يغيبن كنهن أضويه =تبتعد ثم تطفيها نهاياتها

والشتا يطرق الساحات والابنيه=كان للريح وجدٍ فى عتاباتها

له على خاطرى من وحيها أغنيه=بت وحدى أغنيها بآهاتها

أحتضن بندقى واهيم فى أمنيه=وين ماهم طرفى خال نجماتها

جاوزت بى حدود الحلم مستعصيه=لين ذبت فخيالٍ من خيالاتها

عشتها سكرةٍ فى ليلةٍ مضويه=ماحياها ولد عزٍ ولاماتها

ولاهواها ذليلٍ شيمته مخزيه=أو عيون الجبان أمست بغفواتها

كفوها من يشوف الدم والتضحيه=حب الاوطان لاهانت كراماتها

أحرس وأحلم وأحرس بلا أغطيه=والجنود ابعدوا عنى بدفواتها

رقدوا فى وجيهٍ كنها أحذيه=كم مشت فى دروب الذل خطواتها

وش لى أحيا حياةٍ أدهرت مزريه=تخنق الحالم النشوان نسماتها

صار طعم الحزن والخبز والادويه=واحدٍ تمزجه نفسى بعبراتها

أدرك ان البشر أمراضها معديه=واستمد الدوا منها بعلاتها

كان جتك النفوس المانعه معطيه=ماتجود العفون الا بفضلاتها

ابتسم للزمان بداعى السخريه=كل ماشالت الاصنام عرضاتها

شاهد المجد كوره والصروح أنديه=همةٍ ماتطول العز راياتها

عيش عنها شريدٍ والعمر تمضيه=والوطن أى أرضٍ تستر أمواتها
[/POEM]




فالح الدهمان

 

[نواف التركي]

[POEM="font="Simplified Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]ألتمس فى عيون البايعين أجوبه=للسؤال المحال الضال باهدابها
وش تبيعون ياهل الدمعه المسهبه=يافقارى بلاد الله واغرابها
مابهذا الدهر من مشرقه لمغربه=نخلةٍ حرتٍ ماهمت بترابها
سرت به 00طرت به00وقعت به00حرت به=والحياة الكريمه قلت أسبابها
يجنى (الذيخ) رزقه فى مهز ذنبه=مار وش هزت الآساد فى غابها
كل حيٍ خلقه الله على مرتبه=ومن لقا عيشتٍ لابد يرضابها
وان بدا طيبٍ فالطيب هو منسبه=لو تباهت عفون الناس بانسابها
كم ضحك جاهلٍ من كلمةٍ صحت به=له بكا شاعرٍ مثلى وغنابها
من زمان الشعر يكتبنى وأكتبه=والعرب قل عاربها وعرابها
أنا أفصح كتاب بـ /هذى المكتبه=ماقرانى أديبٍ يفهم آدابها
امتلت كل صفحات الفكر أتربه=مارجت من يقلبها ويقرابها
أرفض أكون فى جو الشعر أرنبه=حلقت والثمن فى مخلب عقابها
عشت حرٍ على حريةٍ أكسبه=من مواجع قيودى لا من أصحابها
وكل روحٍ مثل روحى مهى مذنبه=كانها خالفت ربٍ من أربابها
يثبت الشاعر العملاق فى مرقبه=ان رفع شعلة الاحرار وكتابها
ومن رقا بالحياة بشيمة الثعلبه=تــــافهن00لو لقا نفسه بمرقابها[/POEM]





فالح الدهمان

 

[نواف التركي]

[POEM="font="Simplified Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]حارس الليل مانامت عيون الخفير=وانت عقب استلام البرج جاك استلام
خاونى كان نومك عنك فى قاع بير=ننفخ الهم دخانٍ يطير بسلام
هاجرن الطيور وجف مى الغدير=ويمكن الريح باكر ماتجي بالغمام
ودى اكفخ على غيمه صبيه تطير=يم أرضٍ بها قتل المشاعر حرام
كل ماهب منها فى خيالى عبير=صرت كنى كذا مانى على مايرام
وانت مثلى حزين وفيك وجدٍ كبير=كن بينك وبين أحباب قلبك خصام
هات دمعك أبـ /ابكى به على مايثير=خاطرى بالحنين وضامرى بالهيام
لى ورا نجمة الجوزا حبيب وعشير=واهل كانوا أهل واعمام كانوا عمام
طير روحى تركته فى بلادى أسير=واهنى من يموت بديرته لو يضام
عشت فيها صغير ورحت عنها صغير=أذكر البدو خلوا بالمراح الحمام
كنت ابيها وكنى كنت احاول اثير=بالحجر حس مات من الف عامٍ وعام
شب شيبٍ بقلبى من كثر ما أسير=عقب موت الامانى دون هدى ومرام
عمرى اللى سرح بى فوق ظهر البعير=صار كنه على ظهرى شداد وسنام
ليتنى ماكبرت وماعرفت المصير=وماسكنت المدينه فى بقايا حطام
ضيقةٍ يلعن الله من بها يستجير=فى بيوت الردايا لوّها من رخام
ذاك امير الليالى يعرف انى امير=لى على متنه وصدره نجوم ووسام
مار وش حيلة اللى بين ربعه فقير=لاجواده جواد ولاحسامه حسام
بندقى كنها بين البنادق جفير=خاسرٍ من بها شد الظهر والحزام
لايغرك اسم عمك اذا ما يفير=الرصاص ان فسد يصبح خنافس ظلام
بأى جحرٍ ربا هذا الضرير الحقير=فى يدينه عيونى احتريها تنام
كم وطانى وعذبنى ورمانى حصير=ثم كّبر على صدرى وصلى وصام
يحسب انى متى ماجعت فيه استخير=عند هذا تبيّن مكرمات الكرام
تشبع الفار حّبات التبن والشعير=كل حين حسب قدره قنع فى طعام[/POEM]




فالح الدهمان