غن / لا ضاقت عليك الوسيعه / غن

[نور الفيصل]

[POEM="font="Simplified Arabic,4,blue,bold,italic" bkcolor="transparent" bkimage="" border="none,4,gray" type=2 line=1 align=center use=ex num="0,black""]

قلت آه من صبر صبرته على الكود= ومن ونة للقلب جاحت وقدت

ونة عتب ونة غضب مالها حدود= ياليتها عن مغلق الصدر صدت

لو هي بحيد ذوبت كل جلمود= على الضماير بالهضايم تحدت

قامت تعرض لي بالايام والسود= إن قلت قفت عودت لي وردت

إن قلت هانت بالحشا جابت الزود= وجاحت خفايا ضامري واستجدت

وزادت جروح القلب بجروح ولهود= ودنياي مالت على سنعها ولدّت

والعين كن بنونها ملح بارود= على السهر كل الليالي تحدت

تسهر وبعض الناس هجاع ورقود= وهي تبي فرقاه مافيه لدت

ونشدت ياتركي عن اللي بهم جود= وقالو ضعون أهل المروات مدت[/POEM]

الأمير محمد السديري

 

[وجدان الأحمد]

مدام إنك تبي تبعد مدام إنك تبي تسافر
ونفسك هي على قولك على المسفار مجبورة

جبرك الوقت تهجرني جبرك وقال لك هاجر
وش اللي يجبرك قلي حبيبي تاخذ الصوره

أنا مابي جواب منك أنا أجاوبك يا غادر
قصور فيك بانيها تبيها اليوم مهجورة

بلا أعذار كذابه بلا حلفان يا كافر
قضى عمري وأنا أملي وأثاري الجره مكسوره

تصدق كنت أنا أول أظن إني أنا شاطر
وأظن إنك معي وافي ونفسك فيني مسحوره

ولكن بعد ما شفته عرفت إني أنا خاسر
وعرفت إن الزمن لازم يدور بهالبشر دوره

ودرت ودارت الدنيا وكسرت بدورتك خاطر
سراج كان بيدينك كسرته وإنطفى نوره

دموعك هذي ما تنفع ولا تأثر بي يا ناكر
تبيني أغر ق بدمعه زمانك عجزت بحوره

وإذا ناوي السفر باكر عساه اليوم مو باكر
وجودك صار في عيني ظلامه يشبهه نوره

وإذا همك هي الصوره تعال وخوذها وسافر
وإذا ما جيت تاخذها تراني بحرق الصوره






* نصار الظفيري *