~ " وحدي .. و غديت أنت / الـ زحام ! "

[مناحي النفيعي]

ودّي أحبّك لين ما يبقى بقلبي حب ّ ..
ودّي أحبّك لين ..
................... ما يبقى بقلبي قلب .. !

أحيان نحتاج الكلام اللي
................. يثير الصمت .. !

يا كثر ما أحتاجك ..
دوّرت فأدراجك ..
عن خصلة ٍ من شعْرك .. عن لحظة ٍ من عمْرك ..
عن شيّ غير الوقت .. غير الإنتظار ..
وغديت أنا دفتر
و اسمك على أول سطر في العمر ..
مكتوب بالأيام ..

و سط الكلام .. وقّفت ..
............. وكان السكوت .. القيد .
أهرب أنا خلف الكلام ..
و ألقاك خلف الصمت ....
................. يا صوتك الدافي البعيد..
.................................. على الضياع شارفت ..


اليوم أنا أحبّك .. والخوف من بكره ..
أخاف أحبك
.............. لين
.................... ما
.......................... يبقى بقلبي حب ..
و انساك .. أو أكره ...!!!

/

 

[مناحي النفيعي]

حزني وطن يحتاج للتهجير
............ مثل ما يحتاج الشعِر لـ غياب

أريد أطفّي شمعتي و آطير
........... و أطيّر الدنيا سما و تراب

أريد أشقّق دفتر التأخير
............ اللي يشيل اسمي مع الغيّاب

أريد أسافر للمدى و آسير
............ في درب يهربّ بي عن الأبواب !

أريد .. أريد أبعد .. و أريد آصير
............ سيرة جميلة تنذكر بكتاب

 

[مناحي النفيعي]

بعد عشرين عام !


أطلق يديّ أنا ملّيت الأصفاد
..................... وصار جرحي لـ ذاكرْتي سجيّه

بعد عشرين عام آحسّ بـ إجهاد
..................... و المواجع ما عادت نرجسيّه

أمشي و كنّ الأرض لساقي قياد
..................... و القمر شاح عن عيني بضيّه

الحزن مثل طبع البدو شدّاد
..................... و قلبي أشبه بغيمه عقربيّه !

وحدي و كلّ .. كلّ أصحابي بْعاد
..................... من يردّ الصدى و الصوت ليّه ؟

وحدي أعبر كلام ٍ كلّه أضداد
..................... ما يشابه لـ أحد فـ الأبجديّه !!!!

يا طريق الـ غياب إن طاف ميعاد
..................... عذري إنّ الأماني عنجهيّه

إكسر القيد .. جمر القيد وقّاد
..................... ما لهذا الـ سحاب إلا يديّه !

ودّي أرجع طفل في يوم ميلاد
..................... صرخته كلّبوها شاعريّه

 

[مناحي النفيعي]

* رسالة للذات !


ومرّ العام و أنت ..
ما أنت اللي أعرفه قبل عام ..
غريب .. حتى عن الغربة ..
لا أنت إبن هذا الغيم .. ولا هذي التربة ..
ملامحك / جديدة ..
أصحابك جداد ..
أحلامك هيّ هي .. ما شيّ زاد .. !
مكبّل .. و ما أدري
من اللي يكبّل الثاني ..
أنت ولا الأصفاد !
مشاعرك ورق طار .. في مهبّ الريح ..
قلبك محطّة .. حزنك قطار ..
أوجاعك يودّعون أوجاع .. و يستقبلون أوجاع !
للحين هارب ..
هارب من الأبواب .. و الأرض ,,
و الأصحاب ..
هارب من النور .. لآخر مدى الفيّة !
صرختك / ساهريّة !
بحّتك / طلاليّة !
مشاويرك .. أطوَل !
ومرّ العام .. و أنت
ما أنت اللي أعرفه قبل عام ..
لكنّي إلى الآن .. أشوفك الأجمل ..

 

[مناحي النفيعي]

من شرفة العُمر طار القلب عصفور
....................... وحيد لا غصن باقي له ولا ظلّ !

وحيد حتّى من الوحدة و مذعور
....................... وجْناحه أثقل من الغربة و مبتلّ

يا طير أنا فاقد ٍ لوحة و طبْشور
....................... و استاذ صوته يلفّ الفصل و يملّ

و شبّاكنا اللي قِزَازه درب ممطور
....................... اللي معه ننظر الـ الغايب ولا طلّ

اشتقت للوقفة اللي وسط طابور
.......................اللي به أطوي مدى الأحلام و أفلّ

والبنسل اللي كأنه سيف مشهور
....................... كم مرّة أبتر به الـ كرّاس و آحلّ

اشتقت و الشوق بعض أحيان مسعور
....................... ينفّض الجفن لين دْموعه تْهلّ

 

[مناحي النفيعي]

طفل ياما رميت جروحك أحجار
................و دمّك يسيل .. حبر البندقيّه

غصن زيتون قلبك .. عاف الأشجار
................ ما توقّع عليه الراعبيّه

طفل دمّك بحر .. و الموت محّار
................ و المقابر حدود ٍ ساحليّه

طفل ما مرّتك حمامة دْيار ؟
................ ما بقى فيك زيتونه نديّه ؟

طفل وش لون حلمك خلف الأسوار ؟
................ هو بقى بك أماني ليلكيّه ؟

هو بقى عمر ما عافته الأعمار ؟
................ هو بقى لأغنيات الما بقيّه ؟

هو بقى للمساجد صوت و أبرار ؟
................ هو بقى لإبتساماتك شهيّه ؟

طفل قلبك حجر .. إرم الحجر نار
................ و سيّل الدمّ حبر الـ بندقيّة

 

[مناحي النفيعي]

"

تعال صوتي يعوّرني .. و أنا أشعر به
............... موجوع من صمته البارد لترديده

ليتك سمعته .. مطر عطشان من شربه !
............... تركض عليه الجروح .. أنغام تغريدة !

وين أنت و القلب عصفورٍ هجر سربه
............... و الصدر غصن ٍ يحب الشوق تجريده

وين أنت أحسّ الجروح أوطان مغتربه
................. و إنشودة البال طول الوقت مجّيده

و شبّاكنا اللي تهفّه لسعة الغربة
................. تطلّ من خلف قضبانه مواعيده

إرجع و حرّر سجينك من عنا التربه
................. اللي عليها تغرّب في تناهيده

 

[مناحي النفيعي]

إسمك البارح ..
............ بـ صمتي و بـ كلامي ..
" مشرق و فارق " ..
عنْ جميع الناس عن كلّ الأسامي ..
...................... ضيّعيني ... في الشوارع و المفارق ..
كلّ خطوه ما تدلك ما أبيها !

لـ روح الأميرة / ديانا ..