~~ الفقد مرة أخرى .. عذراً ياغزة ..؟؟!! ~~

[عبدالله بن زنان]

.
.

.



رسالة إليك ياخادم الحرمين الشريفين ..!


.
.



ميلاد عام / وذلَ / والطير ماطار
إلى متى ياطير .. بتعيش ماطرت ؟


رفَ الجناح .. وفتت القيد والعار
أدري بعزمك ماهدا / وانت ما لنت


عينك بها .. عزَ المداين والاقطار
وروحك تلين لـ كل دمعه على بنت


شف كم بريء يموت / والدمع جبار
وحزامهم دعوة .. وانا ما تحزمت


ستين عام نقول .. لـ العزَ مسفار
لاسلم يرضيهم .. ولا رمية السنت


" غزة " تموت بليل .. مافيه مغوار
جمعه ورى جمعه / ولا فعل للسبت


احنا حروف .. وصوتنا زحمة اسوار
وفي رحمة جدار المذلة / تهدمت


آحس فيني / جيش .. مسلوب الاقدار
مجروح فيه العزَ .. مطعون بالبخت


إلى متى ؟ واحنا على شح الامطار
إلى متى ؟ وغيومنا تنتظرك أنت ..!


حنَا قبايل نار .. وجنون واعصار
لازلت أكررها / مع الليل / لازلت


ياارب فك القيد باحسان واصرار
يااارب نرقا للنصر كل ماقلت ..


.. " يااارب " يارب المظاليم وش صار
الواننا تعمي .. وانا ما تلونت


واقف على حد القهر / اسقي اشجار
صدري تحطم .. بس انا ماتحطمت


فيني جبال .. يزفها / سيل من نار
وفيني قيامة حرب / وان كان ما قمت


البعض منَا ... يخلط الشيح بالغار
والبعض منَا خان .. لاهنت لاهنت ..


.. عطني مفاتيح الضيا / وافتح اسرار
احزاب صرنا والبلا .. شمعة الكبت


فكَ الحصار .. برمينا داخل الدار
يكفي سحاب الغبن / يمطر على " كنت "


كنا صحيح ... وكان تاريخ الأبرار
ومتنا على الماضي / وعشنا على زفت


العمر .. مايسوى دموع " أم " تنهار
والذل .. مايوقف على / لومة الوقت


ياطير تكفى .. مابقى دمع وانهار
عطرني بأمرك .. بعزمي تعطرت


ياطير تكفى .. كلنا صبح / وانوار
الضي حنَا له ثمن .. لو تكرمت ..


.. عطنَا طريق / نطهَر الأرض باصرار
وابشر بخطوات الفرح .. وين ماشفت


إما .. نعيش العمر / في صف الأحرار
ولاَ .. نموت أحياء / ونعذب الصمت


ياطير عام بـ عام .. والذل مشوار
إلى متى ياطير .. بنموت ماطرت ..!




.
.

.