نواف التركي وسلطان الدوسري .. في (بلا موعد) الحلقه 16

[سلطان الدوسري]

.
.
نواف يابعدي .. تقهو انت ومحمد .. والمتصفح لك .. حط اللي في راسك
لين ارجع لك ..
طالع مشوار .. وبكون على 8 ونصف متواجد ان شاء الله ..
سلاااااااااااااام
.
.

 

[نواف التركي]

.
نواف ... بجد وبكل صراحه .. تقطع الاشارة وهي حمراء ؟؟
وحزام الأمان تربطه والا معطيه اشكل ؟؟


الأحمر لون لا أعترف به إطلاقاً سواء في إشاره أو في الحياة عامه ,أما حزام الأمان فـ أربطه عند نقاط التفتيش فقط .





الا تعال .. وش اكلت اليوم .. يوم قمت بعد العصر ؟؟

جبن وخبز .



نواف ... لو لقيت لك " عجيّز " في الشارع وانت رايح لمشوار مهم للربع مثلاً ..
وقالت لك هالعجيّز : تكفى ياوليدي دوك جب لي خضار من السوق ومرّ على
البقالة وجب لي لبن .. ولا تبطي عليّ .. ( لاحظ لاتبطي عليّ ) وش بتقول لها ؟؟

أبشري.




اوّل ماتقوم من النوم بعد ماتغسّل وتتنشّف ... وش تسوي ؟؟ أو وش يكون في
خاطرك ؟؟؟

أروح أرد على الستين مكالمه اللي ألقاهم في المكالمات التي لم ريد عليها .

 

[نواف التركي]

المشاركة الأصلية كتبت بواسطة مشاعر تائهة

.
.
.




هنا
أرواح تنبض بالعز/ الطهر

ألف هلابك

يا مشاعر

 

[نواف التركي]

.
تصدق يانواف اني اليوم اقول متى نتقابل في هالمتصفح ..
ياخي شكلي ابدمن عليك وسوالفك
يبي من يدوّر لنا واسطة عند بنت المعمري تسوي لنا تمديد
.
.

ياعمّاه

وربي يالله يالله نكمل اليوم




نواف .. وش البلدان اللي زرتها ؟؟
وهل تحب السفر فعلاً ؟؟ وهل يكون بترتيب والا " تمسك بالراس " ومشينا مشينا ؟؟

الكويت قطر الأمارات و كنتاكي الموجود في الجبيل , من قلب أحب السفر , لا والله مافيش ترتيب بقوّه .




يقول المثل :
الهبال مايبات خلاوي ..
تشوف المثل هذا صح ؟؟ والا من جمبها ؟؟

فعلاً .





نواف .. تحب الورد ؟؟ وهل تشتريه فعلا كـ فتنه فيه ؟؟ واي نوع من الورد يعجبك ؟؟

أموت بالورد ومع ذلك ما عمري شريته ويعجبني الورد لا جاء من ورد.




نواف ... معك في جيبك " 100 ريال " فقط لاغير ..
ودخلت السوق عشان تجيب غرض معيّن ... ولقيت شي اعجبك وبـ 100 ريال
تترك غرضك ذاك وتشتري اللي اعجبك هذا ؟؟

أيوالله



يقولون :
الدراهم مراهم ..
وانت وش تقول ؟؟؟؟

الدراهم عقوبه فبدونها أنت لا تعيش ومعها أنت تفقد لذّة الفقر .

 

[نواف التركي]

يقولون لا ضاقت عليك الوسيعه غن


متى يغنّي سلطان ؟


أحبك كذبةِ بيضاء ...

هل فعلاً ؟


حتى عوده بعد العشاء لك أن تغنّي في أي إتجاه أردت

 

[سلطان الدوسري]

المشاركة الأصلية كتبت بواسطة نواف التركي

يقولون لا ضاقت عليك الوسيعه غن


متى يغنّي سلطان ؟


أحبك كذبةِ بيضاء ...

هل فعلاً ؟


حتى عوده بعد العشاء لك أن تغنّي في أي إتجاه أردت

.
.
.
يقولون لا ضاقت عليك الوسيعه غن
متى يغنّي سلطان ؟

بصراحه ؟؟ اذا مسكت خط وانا لحالي فالسيارة .. هات ياغناوي


أحبك كذبةِ بيضاء ...
هل فعلاً ؟

انا مااعترف بالكذب الابيض ..
والحب مايعرف الا الاحمر


حتى عوده بعد العشاء لك أن تغنّي في أي إتجاه أردت .

شكلي اباخذ الاتجاه المعاكس ..
.
.

 

[سلطان الدوسري]

.
.
اولا .. على قلبك بالعافية .. هذا اللي هو العشاء ..
.
.
نواف .. تتوقع اصيلة المعمري اختارتنا كذا خبط لزق .. والا فيها فبركه ؟؟

يقولون أن الشعر العماني قادم للساحة بقوّة .. وانا اؤيد هذا بقوّة كذلك ..
وماهو رأي نواف ؟؟

ماهو الشي الي سويته وندمت عليه ؟؟

لو وقفت عند اشارة مرور .. وسمعت واحد جمّبك مشغل اغنية حجاب :
" عودي عليّ بسرعة ٍ تسبق البرق " .. وين بياخذك تفكيرك ؟؟

نواف .. ليش اغاني فيروز لها طعم ونكهه في الصباح الباكر ؟؟
وهل سمعت أغنية " الأماكن " بالفرنسي ؟؟ واذا سمعتها وش رايك فيها ؟؟

قال ولد جحا لـ ابوه يوم : يبه هل صدق الحب أعمى ؟؟
قال جحا : طالع وجه أمّك وتعرف ..
هل فعلا الحب مايشوف ؟؟

هل تصدق ان حبيبة كل شاعر حلوووووووه ؟؟؟

كم مرّه توهقت وانت داخل للبقالة بتشتري ومالقيت بالمحفظة ولا قرش ؟؟
.
.
.

 

[نواف التركي]

.
نواف .. تتوقع اصيلة المعمري اختارتنا كذا خبط لزق .. والا فيها فبركه ؟؟


والله أشك في ذلك تخبر هي عمانيه وما أدري ما أقدر أحط بـ حظي شي , بس ودي بعد كل لقاء تجي وتتكلم عن طريقة إختيارها وأسبابها.


يقولون أن الشعر العماني قادم للساحة بقوّة .. وانا اؤيد هذا بقوّة كذلك ..
وماهو رأي نواف ؟؟

وأنا أؤيد معك . شعراء عمان غيّبوا لزمن وهاهم يعيدون ترتيب الساحه من جديد .


ماهو الشي الي سويته وندمت عليه ؟؟

كثير أشياء .


لو وقفت عند اشارة مرور .. وسمعت واحد جمّبك مشغل اغنية حجاب :
" عودي عليّ بسرعة ٍ تسبق البرق " .. وين بياخذك تفكيرك ؟؟

أحترم فيه ثقته بذائقته وإنتصاره لها .




نواف .. ليش اغاني فيروز لها طعم ونكهه في الصباح الباكر ؟؟
وهل سمعت أغنية " الأماكن " بالفرنسي ؟؟ واذا سمعتها وش رايك فيها ؟؟

لأنها تعطيك أمل في الحياة , والأماكن بالفرنسي يارجال أنا عربي ويالله يالله ممشيها .





قال ولد جحا لـ ابوه يوم : يبه هل صدق الحب أعمى ؟؟
قال جحا : طالع وجه أمّك وتعرف ..
هل فعلا الحب مايشوف ؟؟

أكيد ماله عيون أصلاً.



هل تصدق ان حبيبة كل شاعر حلوووووووه ؟؟؟


لا ...
ماسمعت الشاعر يقول

عشقتها شمطاء شاب جنينها /// والناس فيما يعشقون مذاهب




كم مرّه توهقت وانت داخل للبقالة بتشتري ومالقيت بالمحفظة ولا قرش ؟؟


يووووه عد وخربط