[ بِـ الْمَوْزُوْن ]

[قايـد الحربي]

:

ودّي اسرق لحظة نعاسك و الوّن
ــــــــــــــــــــ مَشْهد اغْفاءة عيونك : من عيونك
أختار للمشْهَد بعض ممّا يُكوّن . :
ــــــــــــــــــــ كائناتٍ : مرجحتني في [ جفونك ]
وامَوْسق المشْهَد بكلّ اللي تدوّن
ــــــــــــــــــــ من بلابلنا على [ نوتة غصونك ]

 

[قايـد الحربي]

:


الامنية : إنّي اقبض لحظة [ اغفائك ]
ــــــــــــــــــــــ اللحظة : المُفعَمة بـ غواية الأنثى
أشرب سمائك وأغرق في شبر مائك
ــــــــــــــــــــــ و اطرّزك بالبلل ..من قبل ما أُرثى

 

[قايـد الحربي]

تَسرحين
و
تسرحين
و
تسرحين
ــــ ما دريتي إنّك - ايضاً - :
تسحرين !!

 

[قايـد الحربي]

حضورك : مُنْتهى الغيّاب
ـــــــــــ غيابك : مُنتهى حضورك
ـــــــــــ
رِسَمْكَ الغيِْب : [ تَلْويْحه ]
ويغيّبك الرّسِمْ : [ لُوْحَه ]
ـــــــــــ
ـــــــــــ و انا ارسم لحظة نعاسك :
على غَفْوَات كُراسك ..
ولا تصحى سوى انفاسي
ـــــــــــ .. وتحضن باقي انفاسك .

 

[قايـد الحربي]

تلعثم بك الصبح و شَرَق بالظفيره : شَرْق
ــــــــــــــــ وتهجّى جبينك مُظلم الليل و اتْقَنْدََل
حَسَدْك الضما غيم الملامح و شبّ البَرْق
ــــــــــــــــ ولقتك الجهات وتيّهتْ عينك المَنْدَل
رقتْ صوتك اوتار الأغاني و بان الفَرْق
ــــــــــــــــ مَ بين الغصون اللي تدلّى بها العَنْدَل

 

[قايـد الحربي]

قومي نلمّ الغيم في صُحبة نعاس .
ـــــــــــــــــ ..... مبطي يراود لحظة نعاسك الغيم
هاتي يدينك للسما نصعد : احساس
ـــــــــــــــــ ونقتل شعور الـ[س] في بهجة الـ[ج]

 

[قايـد الحربي]

قلت لعيونك : أضيع بلحظة نعاسك
ــــــــــــــــــــ قالت عيونك : " من اللي ضيّع الثاني "
أذكر دخلنا السوالف و انتثر كاسك
ــــــــــــــــــــ مدري من المجني ومدري من الجاني

 

[قايـد الحربي]

:

[ تَبْريْر : ]

:

[poem="font="simplified arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""]وَ لأنّ الرّابط الليْ بِيْن عِيْنِك وَ الصّحُو [ مَعْطُوْب ] ، = ضَرُوْريْ تْغَمّضَ الصّوره مِثِل تَغْميْضة عْيوْنِك
عَلامَة x بَالصّوْره أبَدْ مَا تَعْنِيَ الـْ [ مشْطُوْب ] = دَلالَتْها الْعنَاق الليْ - بِتَغْمِيْضَتْكِ - ، لِجْفوْنِك [/poem]