اوراق مبعثرة!!!

[محمد علي الثوعي]

ياللي تحاول ترضي الناس ..واهم
اخفض جناحك دايم..... لوالدينك


بعض البشر لا تقول باكسب رضاهم
تتعب وتخسر راحتك من سنينك


ان سلّمك رب الملا من ...اذاهم
لاتنتظر رد ...العطاء ...منكرينك


محمد_الثوعي

 

[محمد علي الثوعي]

عندما تصبح ناضج فكرياً
لا تتفاجأ بمايحدث من متغيرات
في الحياه وخاصة في السلوك
البشري لديك كل الاحتمالات واردة.!!
تواجه كل موقف بما يجب وتعرف كيف تتعامل مع الاحداث!!
اما الشخص الذي تنقصه التجربة
حتماً ! سيقع في مشاكل لايعرف
كيف يتجاوزها!!

محمد الثوعي
من أوراق مبعثرة!

 

[محمد علي الثوعي]

الحب بين الخلق حظ ..وتوافيق
........... قسمه من الله بين خلقه قسمها
والعاقل اللي فك نفسه من الضيق
...... .....ماله ومال.. الهم كلمه ..حسمها
ياحب صادق دون غش.. وتلافيق
........... والا .القطيعة.. كان ودك عسمها
لي وجه واحد..بين كل .المخاليق
.............اسلك دروب الحق ربي. رسمها
همسك يجنن صح .ياعذبة الريق
..............كلك حلى والناس قالت وسمها
ياكثرمنهم في.. كلامي .مشافيق
...............ناس ٍ تدور.. للسوالف..نسمها
ابواب قلبي دون.. حبك مغاليق
...............حتى معي نفسك تقدم قسمها


محمد_الثوعي

 

[محمد علي الثوعي]

وش بقى .في حياتك والعمر في نزول
لا فات يوم ٍ ترى عمرك . أزف للرحيل

قدامك القبر ماعنه .. موانع تحول
منكر وجنبه نكير يسأل وحالك ذليل

رحله طويله ولافيها رجوع وحلول
والمشكله.. لاغدا .. زاد المسافر. قليل

دنياك هاذي دنيه خلها . لك ذلول
لاتصبح انت المطيه ضايع ابلا دليل

قدّم الخير واتبع منهج ٍ .. للرسول
العدل ثم التوسط واحذر انك تميل


محمد الثوعي

 

[محمد علي الثوعي]

الزعل لاصار يومين وثلاثه
.........لا يطول ثم تزعلني عليك

خل عنك الشك والغيره غثاثه
........ابتديتك حب عمري يفتديك

كنت بايام الشقا وقت الحراثه
........في سعاده كل يوم ٍ التقيك

من غصين الراك كم ذقنا كباثه
.......ساعة المجنى يديني في يديك

عشت في عصر التمدن والحداثه
........وافتخر بافعال جدانك وابيك

ماعرفت الغدر ودروب الخباثه
........جيت لك عاشق وقلبي يحتويك

قلب من حبك تمسك في تراثه
........انت لي حاجه ثمينه واقتنيك

الوفاء والطيب عندي بالوراثه
........والمشاعر كلها منك واليك

انت حبك بالفعل صعب اجتثاثه
........من فؤاد اللي عيونه تحتريك

بس وقت الغيض شوقي وانبعاثه
........يندفن بين الحنايا مايجيك

مابقى عندك عذر والا استغاثه
.........القلب من كثر المواجع يشتكيك

لا شعر تسمع ولا خلق ودماثه
.......طابت الارواح دور من يبيك!!

محمد_الثوعي

 

[محمد علي الثوعي]

طحت مدري كيف والله العظيم
طيحتي بالحب كانت..... مرعبه

يوم في جده... وليله .. بالقصيم
ماسك ٍ درب المدينه.... واشعبه

حظي والايام عيّت ....تستقيم
مسرح الاوجاع بقلبي ...ملعبه


محمد_الثوعي