خاطري طاب

[حسام المجلاد]

كنت احسب إن الموت بجروح الاحباب
وأثر الجروح تطيب مع دورة الوقت

شفني بخير وممتلي صدري حراب
صابر رغم طعناتك اللي تذوّقت

ماقلت لك لاعفت لاتدور أسباب
ارحل؛ ولاني ميّت إن كان فارقت

ولاتنتظر مني على الصدّه عتاب
أفنى وانا لمعاتبك .. ماتطرّقت !

منت اوّل اللي لأنتهت حاجته غاب
ياعين ابوي كثار غابوا ولاضقت

مرت ولا ضرت سكاكين الأصحاب*********
ماهي جمالة لو بروحي ترفقت

لاتصدق احساسك ترا القلب كذاب
ما اشتقت لك لحظة ولا لجيّتك تِقت

تبغى الصراحة؟ عندي حضورك غياب
وإن كان تبغى الكذب؛ لعيونك إشتقت

ماعدت قادر أعشق وخاطري طاب
الحب له سكرة .. وانا منّها فقت

والعاطفة ماتت بي وْخافقي شاب
ياليتني في هالغلا .. ماتعّمقت

سقت العمر من دون لاحسّب حْساب
ولا انت والله غير الأعذار ماسقت

ماكنت اصدّق لو تعذربكْ الاقراب
وعاشرتك؛ وربي هداني وصدّقت

والمعذرة* .. ماعاد ودا ولا جاب
دمعٍ تحاول تسترهْ يوم دنقت

خله يغسل هموم قلبك ليا انساب
محظوظ دامك تبكي ليا تضايقت

ارحل .. وعلّم بالخبر كل الاحباب
"حسام عبدالله" تداوى مع الوقت

 

[إيمان محمد ديب طهماز]

ارحل .. وعلّم بالخبر كل الاحباب
"حسام عبدالله" تداوى مع الوقت

السهل الممتنع هذه القصيدة
مابين الحب و الفقد و الصبر
جعلت من الأبيات لوحة ولا أروع
سلمت القريحة النقية و سلم اليراع
صح لسانك شاعرنا الجميل
🌺🌺🌺🌺

 

[بلقيس الرشيدي]

...
...

صَباح الغَيم والقصِيد المُتناثِر على وَجهِ الصَباح عِطرًا !
يِصح احسَاسك ياحُسام ودَام هَذَا المطر

.

 

[عبدالرحمن المقرن]

شفني بخير وممتلي صدري حراب
صابر رغم طعناتك اللي تذوّقت

ما اجملك ياحسام

 

[سليمان عباس]

المشاركة الأصلية كتبت بواسطة حسام المجلاد

كنت احسب إن الموت بجروح الاحباب
وأثر الجروح تطيب مع دورة الوقت

شفني بخير وممتلي صدري حراب
صابر رغم طعناتك اللي تذوّقت

ماقلت لك لاعفت لاتدور أسباب
ارحل؛ ولاني ميّت إن كان فارقت

ولاتنتظر مني على الصدّه عتاب
أفنى وانا لمعاتبك .. ماتطرّقت !

منت اوّل اللي لأنتهت حاجته غاب
ياعين ابوي كثار غابوا ولاضقت

مرت ولا ضرت سكاكين الأصحاب*********
ماهي جمالة لو بروحي ترفقت

لاتصدق احساسك ترا القلب كذاب
ما اشتقت لك لحظة ولا لجيّتك تِقت

تبغى الصراحة؟ عندي حضورك غياب
وإن كان تبغى الكذب؛ لعيونك إشتقت

ماعدت قادر أعشق وخاطري طاب
الحب له سكرة .. وانا منّها فقت

والعاطفة ماتت بي وْخافقي شاب
ياليتني في هالغلا .. ماتعّمقت

سقت العمر من دون لاحسّب حْساب
ولا انت والله غير الأعذار ماسقت

ماكنت اصدّق لو تعذربكْ الاقراب
وعاشرتك؛ وربي هداني وصدّقت

والمعذرة* .. ماعاد ودا ولا جاب
دمعٍ تحاول تسترهْ يوم دنقت

خله يغسل هموم قلبك ليا انساب
محظوظ دامك تبكي ليا تضايقت

ارحل .. وعلّم بالخبر كل الاحباب
"حسام عبدالله" تداوى مع الوقت

صح لسانك وسلم نبضك
قصيدة بها من الشموخ ما غطى الألم وأجرى القلم
بانتظار جديدك

 

[محمد الخضر الزهراني]

جميل جدا ما قرأته هنا

راقت لي قافية العجز كثيرا .. وأحببت خصوصية البيت الاخير الذي استعملت فيه اسلوب التدوير بطريقة ملفتة.

لا تحرمنا من جديدك ..

ودي

 

[رشا عرابي]

لله درّ الشعر مُختالاً بمحبرتك يالحسام

الأنَفة سيّدة السطر هنا
والعِزّة أنفاس قصيدك

طاب خاطرك
وطيّبتَ خاطر الذائقة

لله أنت!

 

[حسام المجلاد]

المشاركة الأصلية كتبت بواسطة إيمان محمد ديب طهماز

ارحل .. وعلّم بالخبر كل الاحباب
"حسام عبدالله" تداوى مع الوقت

السهل الممتنع هذه القصيدة
مابين الحب و الفقد و الصبر
جعلت من الأبيات لوحة ولا أروع
سلمت القريحة النقية و سلم اليراع
صح لسانك شاعرنا الجميل
🌺🌺🌺🌺

ربي يحفظك ذائقتك مكسب واعجابك الدائم هدف .. الف شكر