العرّاب

[سعيد الموسى]

السلام عليكم ورحمة الله وبركاته .. اقبلوا هذا النص عسى ان يلقى استحسانكم :

*
_____

*

سيّدي والشعر " طرق" من العجب
_ كنت انا المجنون " وسط " العاقلين
سيّدي والشمس في عز الغضب
_ مانشدت الظل لو يقدر .. يبين
كنت أدوّر عن يدي ‏- بين القصب !
‏_ في حقول الورد - بـ ارض الياسمين !
‏كنت أدوّر في الحكي .. عذق الرطب
_ كود ينبت للشّعر ، وجه ويدين
‏كنت أدوّر عن شفاهي والهدب !
_ في عيون السْحب في دعوة حزين ؟!
‏شفتني : كالغصن مامَل .. وتعب
_ فوق جذعي ناس تركض بالسنين
كن صمتي ورده .. اسقيها ذهب
_ حولها الأصوات من شكّ ويقين !
كم كلام يموت ، باقي ماانكتب
_ واندفن في فم رجالٍ .. رزين
سيّدي لو ما على الدنيا .. عتب !
_ ماتشوف اطفال صدري لاجئين
كم قصيده " شامخة أصل ونسب"
_ مو قدرها ، تسكن ارض " الغافلين "
كم قصايد فاقت الدنيا ، طرب !
_ واصلها طعنة " من ايدي " الاقربين !