/
\
/
\
الله المعبـود مــن فضـلـه يـجـود
نلتجي له فالركـوع وفالسجـودي
.
.
والله أكبـر عـد مـا تـرزم رعـود
يوم برق(ن) ناض تقفاه الرعودي
.
.
الـصـوادر مــا نصـدرهـا ورود
والمـوارد وراده عـد الـعـدودي
.
.
قـل لمـن يسالـك عنـي يـا سعـود
من ديار المملكـة شاعـر سعـودي
.
.
بالشعـر أرقـى مشاريـف وسنـود
شاعرن مقدي علـى منهـج جـدودي
.
.
فــي ذرى حكامـنـا آل السـعـود
نسل أخو نوره مرقيها السنـودي
.
.
والله أنــى للـوطـن درع وجـنـود
ووالله أن الموت حـق(ن) للضـدودي
.
.
مــا يحركـنـا حـسـود ولاحـقـود
وما يدنس دارنـا جنـدي يهـودي