منتديات أبعاد أدبية - (( رجم المشاهير .. مالقيته ! ))

عذرا قبل الأبيات فقط كنت قد ألقيت نظرة على رجمٍ ما
كثر الذين يحومون حوله حتى لم نعد نحصيهم !
وليست إلا نظرة ورأي شخصيّ لاأكثر

هاللي يقولونه كلام الشواعير
..............................عديت انا مرقابهم مالقيته
رجمٍ يقولونه سوات المشاهير
............................عدّيته لحالي وانا مانصيته
ماغير جرحٍ سطّر القلب تسطير
.......................أكتب تفاصيله بشعري بكيته
مالي وهالصوره بمكياج تشهير
......................همّ التزخرف باقتناعي طويته
متبهرج الصوره كما نافخ الكير
.............................الا مهرّج بالتجاهل جزيته
لا هفهف الذعذاع يثني المناعير
...................يصبح من اللي قال جاني فديته
وش لي اذا صدق المشاعر نواوير
...........................تنوّر اشعاري بقافي وفيته
وش لي من اللي يشرب النور تصوير
.............................تبروزه احلامه المستهيته
هذا .. مثل .. هذي .. تشيل التنانير
...........................لوصيتها مشهور صار صيته
تلطم ظهوره بالعلن "خير ياطير
....................ياهي خساره لو بشعري نويته !

هذا الشعر
(وَحدَهـ)
لفت قدّام عيني
ترفرف بها حرفي
يبي يوصل وصايفها
لها فستان من ألوان
ياكيف ارسم الفستان
إلا بلون ومن إحساس
ماهو
من رجم واحجار !
وصياحٍ
بدون احساس !
رجم اللي تقولونه
تعدّوهـ العَرَبْ
قولوا : معي
مابه ابد شي ينكتب
إلا الوهم
مسكين يومنّه تعدّوه العرب
قام وكتب !

تحيّتي لكم

:)