غن / لا ضاقت عليك الوسيعه / غن

[نسرين الأحمد]

..


[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أي والله انـي ضايـق ومرهـق ومخنـوق وحـزيـن =وإما بمـوت مـن الولـه ولا بمـوت مـن القهـر


واللـي لعـب فـي حسبـة ايامـي وخلاّهـا سنيـن=إني على ذا الحال يا شعري لي اكثـر مـن شهـر


بعت المدينه لجل ( عين ) وقالـوا الخافـي يبيـن=ودفنتك بجوفي وقالـوا وش بقابـك مـا ظهـر

يا مطوّل الغيبه يا طـول الشـوق .. ميـر الله يعيـن=العاشق اللـي عـاش ظامـي بيـن عـدّك والنهـر

عيّدبـي غيابـك ( سنـه ) والليلـه مـن العايـديـن=ولا عاد عيدك يا الجروح اللـي بقلبـي مـن دهـر

يا صاحبي لـو تعتـذر عـن غيبتـك عـذرك سميـن=حبك بعد ما غبـت عـن عينـي تمـادى وازدهـر

من يوم شفتك والنعاس بعينك النجـلا سجيـن =ومن نفس ذاك اليوم و عيوني سجينـه للسهـر


علقتنـي بالضحكـه الـلـي تسـبـق الغمازتـيـن=وتركت لي شاعر كتب فيـك القصايـد واشتهـر

سيّلـت دمعـك واستبـاح الدمـع ستـر الياسمـيـن=وعلمتنـي كيـف النـدى يجمّـل خـدود الـزهـر


ليتـك عقـب مـا غبـت غيّبـت اشتياقـي والحنيـن=أو ليتني ما قد دفعـت احـلام عمـري لـك مهـر


وياصاحبي .. لاعـاد تسألنـي عـن الحـزن الدفيـن=أقسى الطعون الطعنه اللي من حبيب و فالظهر !![/POEM]


..


الــرائـع / محمد جارالله السهـلي

 

[عبدالله ثويني المانع]

..

بانتظاركْ ..
تجمعين الوقت .. فـ..ـشفاتي جريدةْ ..
تكتبيني ..
تشطبيني ..
نترك الصفحة قصيدةْ .. !
يا عنيدةْ ..
يامطر .. عيّت سحابة لاتفرط فيه والدنيا ظما ..!
ياسما ضمّت سما ..
لمِّي اللي يِنْتثر من سلّة الذكرى ورق ..!
وامسحي.. غيابك عرقْ .. !
علميني ..كيف أنام .. وكيف أحلمْ ِبكْ تجين..!
اسمع الساعة ..حنينْ ..
وانتظرك الليل كله ... واتسلّف له نهار ..!
تعرفين وتدعين ..؟!
تنكرين ْ .. .. ؟!
إنْ كل الوقت مني ..
وانْ نوم الليل عني .. !
نجمتين وانكسار ..!

***



بانتظاركْ ..
آه .. لو تدرين وش معنى انتظارك ... !
يمكن يكون الغياب .. وحزني افبابه .. قراركْ ..!
يمكن اني مرّة ابـ..ـغفلة ظلمتك ...
وكان هذا اللي يزلزلني مع الساعات ثارِك ..!
آه .. لو تدرين .. وش يعني .. تخلّين الغياب اللي يعذّبني خيارك ..! ؟
انكساري وانتصاركْ ...!
شخبطات اللون الاسود في قراطيس البياضْ ...!
انحسار الشمس .. وغبار الرياض ..
غربة اللحظة افــ..ــداري ..!
آه لو تدرين وش معنى انتظارك ...
مثل ما تدرين وش معنى انكساري ...

**

اسمعيني ..
كل مافيني حنيني
الطريق اللي تدلِّيني عليه ..
يضيعْ فيني .. !
والمحلات الكثيرةْ .. فالشوارع ..
كلها تبـْ تشتريني ..!!
واشتريْتِكْ...
( كوب قهوة ) ثاني ... أو عنوان بيتكْ ..!
ما أدلّه ...
لو تحرّيتك .. بركنه ..
يمكن اني صرت كلّه !
واحتريتكْ ...
ذاك بيتِكْ ... لا .. أظنه ذاك ... يمكن لو أقلّه .. !
وينك انتَ ؟ ...
كان جاوبني بظِّله ..!
آه .. لو تدرين وش معنى انتظارك ...
سيرتي والظل ..
واوهام الطريق .. وباب دارك ..!




ـــ
لــ إبراهيم الوافي

..

 

[عبدالله ثويني المانع]

...........
وانك أكثر من حبيبة
نجمة .. الحلم القريبة ...!
بنت .. ابوي .. اللي على اخواني ..غريبة ...!
قلب أمي ..
بنت همّي ...
( بحّة ) ( الحاء ) العجيبة ..!

ــــــــــ
لـ إبراهيم الوافي

 

[عبدالله ثويني المانع]

..

بانتظاركْ ..
صارت الساعة دقيقة ..
والدقيقة ..الف ساعة ..
كانت الظلمة افـ ـــقاعة ..
تلعن غبار الأثاث ..!
دقت الساعة ثلاثْ ..
قلت تصحى ..
تكتب ارقامي وتمحى ..!
واتصدّد ..!
صدقيني ..
يوم ..ماجيتي كأنّ الموت داهمني بلحظتها
وتردّد !!
كن حلمي فيك من يأسي ..تبدّد .!

ـــ

إبراهيم الوافي

..

 

[نسرين الأحمد]

..

[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يا الغايب اللي غابت سنينـي معـاك=يا جعل ما جاني من الفرقـا يجيـك

استغفر الله !! جعل ماجانـي فـداك=حتى لو ان نهايتي .. على يدييـك!

مسامحك .. واللي بقوله في قفـاك=خيرك كثير .. ويرحـم الله والديـك


ماصار شي ابلا رضاي الا رضاك =اللي ماهو فيني وابيه القـاه فيـك!

كنت السما في عيني وعيني سمـاك =كانت حياتـي كلهـا منـك واليـك

كنت بيديني مير مدري مـن خـذاك=حسبي على تقصيري وحسبي عليك

علمتني.. وش الحياه مـن الهـلاك=في موادعك هذا وفي جيّتـك ذيـك

ياكيف ابلقى شخص يسواني سـواك=كل مانويت انهيك في شخص ابتديك!

أبـدى أقـارن مستـواه بمستـواك=واخاف لاتزعل وابيعـه واشتريـك

والمشكله : رغم محبتـك وغـلاك=واني رغم كل شيّ مشتـاق وابيـك

ما هوب من حقي يضايقنـي جفـاك=ولااعشقك ولاالمحك ولااحتريـك!!

لكن ما يخفانـي ولا اظـن يخفـاك=حقي عليك .. انّك تطمنّي عليـك!![/POEM]
..



محمد جارالله السهلـي

 

[نواف التركي]

[POEM="font="Simplified Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]كل ما قلت يهدى البال ولاّ يروق = عوّد الشعر يوقظ ذكرياتي وأفيق

ليت هالقلب طير أفلّ له هالسبوق = ويغدي وأستريح من العذاب العتيق

كثّر الله خير الوقت كان الصدوق = يوم أغلب عباد الله مامن صديق

ما شكاني عقب فرقاك غير الطروق = ولا بكاني من الأصحاب غير الطريق[/POEM]

 

[نواف التركي]

[POEM="font="Simplified Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]يا مداد القصيد وروح قرّاءه = ما كتبتك عشان عيون قرّائي

أكتبه يسهرون الخلق جرّاءه = والثمن مسبقاً مدفوع بأطرائي

ليت بيديهم الترياق وأبراءه = البلاء أني أشيل الداء بردائي

شاعرك بالقصيد يمرر أراءه = ويقتنع فيه قبل أصحابي أعدائي [/POEM]

 

[نواف التركي]

[POEM="font="Simplified Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
أنثر بوجه الريح كل القراطيس = وأكسر قلم فكرك وخلّ الكتابه

يا صاحبي ولاّ زمان الأحاسيس = والشعر كل شويعرٍ فج بابه

تغيرت في خارطته التضاريس = يا كثرهم يا قل من يهتدابه [/POEM]