نواف التركي وسلطان الدوسري .. في (بلا موعد) الحلقه 16

[سلطان الدوسري]

المشاركة الأصلية كتبت بواسطة نواف التركي

ضيوف لهم حق

أنا أعتبرني معزّب معك

متى ما حسيت نفسك فاضي إرجع وحط أسألتك وأنا أتعهد لك إني أصير عاقل وخوووش ولد .

بس تكفى لا تطوّل حيل ترا بديت أحبك ...

.
.
.
ياجعلني مااخلا منك .. انت بقلب اخوك وربي يعلم ..

بس انتبه .. لو انكب بالمتصفح شاهي والا قهوة والا حليب بالزنجبيل تراه من رفالة
اخوك ..
لكن القهوه والشاهي ينتعبّرون ... لكن المصيبه فالحليب وزنجبيله ..

اقوووول .. ماقد حطيت قطعة زنجبيل طازجة ورطبة تحت لسانك ؟؟
حاول تجرّب
.
قسم بالله خلينا هالمتصفح سوالف وشي
لكن خلّك على كذا ..
.
.
وكل شوي بدخل عليك لاتخاف .. ماراح اخليك تلعب بالمتصفح لحالك ..
الشرط اربعون لكم عشرون ولنا عشرون
.
.
.
نواف .... بقول شي ولاتضحك عليّ ... اوكي ؟؟
قال لي مرّه ولد اختي ابعطيك طريقة ياخال اذا حسيت بطفش وضيقة صدر ..
قلت هات وانا خالك ..
قال : ادخل الغرفة وقفّل على نفسك وقفل الدرايش ( بس حلوه الدرايش هذي )
المهم قال اذا قفلت كل شي .. صارخ بأعلى صوتك بكل ماأوتيت من قوّه ..
قلت له : هين ماعند سالفة ..
ودارت الايام سويتها .. وقسم بالله طلعت اضحك .. بس تدري على ويش ؟؟
على هباااااااااااااااااااالي .. الله لايواخذنا .
.
.
.

 

[سلطان الدوسري]

المشاركة الأصلية كتبت بواسطة نافع التيمان

عذرا لتطفلي ,,

متابع جدا منذ اللحظات الأولى ,, نواف التركي ,, سلطان الدوسري ,, لقاء القمة ,,

هلا وغلا مليااااااااااااااااااااااااااااار ..
ورب الكون صادق ..
اتشرف انا ونواف بمتابعتك ..
بس لاتواخذنا على الشطحات فديتك ..
ترانا غيّرنا الموضوع بـ أكمله حتى لو زعلت علينا بنت المعمري ..
.
ياجعل ربي يسعدك يانافع .. مرورك يسعدنا ..
.
.
.

 

[سلطان الدوسري]

.
.
نواف ...

نعال شوي ابيك ..

وش نوع سيارتك وموديلها ؟؟
ونوع جوالك ؟؟
و عطرك بعد وش نوعه ؟؟ <<<< هذا بصراحه بحاول اجيب مثلك
والسبحة .. وش لونها ؟؟
والقلم اللي في جيبك كذلك ؟؟
وهل انت من النوع اللي " ميدالية " مفاتيحة فيها 20 مفتاح ؟؟

نواف ... عمرك ذقت آيسكريم تمر ؟؟ وش رايك فيه ؟؟

الا تعال ... من ناحية الافلام .. اي نوع تحب متابعته ؟؟
أو اي البرامج تحبها وتحرص عليها ؟؟

وسؤال شاااااااااااااااااااااطح عن سوالفنا :
ليه ماشاركت بشاعر المليون ؟؟؟

اقول .. شكل الشايب انطلق .. ولا عاد تردّه الا في آخر أبعاد ..

سلااااااااااااااااااام .. الى ان ارجع لك حين " زرقة " ..
.
.
.

 

[نواف التركي]

المشاركة الأصلية كتبت بواسطة نافع التيمان

عذرا لتطفلي ,,

متابع جدا منذ اللحظات الأولى ,, نواف التركي ,, سلطان الدوسري ,, لقاء القمة ,,

أبو أسامه

ألف هلا

 

[نواف التركي]

.
نواف ...

نعال شوي ابيك ..

تراك قلت شوي ركّز



وش نوع سيارتك وموديلها ؟؟

عندي شيروكي عشان هاليومين تخبر بر ومخيمات خذيته من بقايا سكاريب الشايب لحد ما تنتهي الشتويه بعدين أرجعه وأرجع أدوّر سياره مثل كل 6 شهور لأن أخوك دمار على السيارات والله مدري أنا ولا خط الجبيل الحفر واحد مننا هو السبب .




ونوع جوالك ؟؟

ياخي أحس كنك بتشرهني ...ههههه

n73


و عطرك بعد وش نوعه ؟؟ <<<< هذا بصراحه بحاول اجيب مثلك والسبحة .. وش لونها ؟؟
والقلم اللي في جيبك كذلك ؟؟

القلم عادةً أبو نص لأن محد يطلبه مني أغسل أيدك ويأدي الغرض منه السبحه هذي حسب الضيوف كل يوم حاط لي وحده بجيبي وماشي العطر يخضع لـ ذوق المطوّع لأن أخوك بـ هالسوالف وبكل أمانه ما يعرف كوعه من بوعه أي شي بسيارة المطوع يمشي معي .



وهل انت من النوع اللي " ميدالية " مفاتيحة فيها 20 مفتاح ؟؟

لاوالله مفتاح حق السياره ومفتاح حق الشقه والميداليه اللي بريال يجيبونها الحجيج من مكه ... مش أمورك بس .



نواف ... عمرك ذقت آيسكريم تمر ؟؟ وش رايك فيه ؟؟

وشوووو .... يرحم أبوك لا إلا هالسالفه .


الا تعال ... من ناحية الافلام .. اي نوع تحب متابعته ؟؟
أو اي البرامج تحبها وتحرص عليها ؟؟

أحب التاريخيه نفس القلب الشجاع والملك أرثر (هنري) منو والسوالف هذي فيها سيوف وطاخ طيخ أحس كأني بدخل معهم بقووووه .

أما البرامج والله ما أتابع إلا المليون بس .



وسؤال شاااااااااااااااااااااطح عن سوالفنا :
ليه ماشاركت بشاعر المليون ؟؟؟

شاركت يا سلطان وأجازوني بس ما فيها نصيب يكفيني أن قبيلتي ممثله في عضو في اللجنه وهو بدر صفوق وشاعر من ضمن الـ 48 وهو فالح الدهمان , هذه تكفيني عن المشاركه وتقنعني بالخروج برضى .



اقول .. شكل الشايب انطلق .. ولا عاد تردّه الا في آخر أبعاد ..

سلااااااااااااااااااام .. الى ان ارجع لك حين " زرقة " ..
.

هههههههههههههههههه
يالبى قلبك

شكلي مضبط الشاي سكر زياده .


راجع لك

 

[نواف التركي]

بما أننا فيها

فاصل غنائي أذكر سألتني عن أغنيه أرددها

إسمعها معي وتحملني إن شطحت بك شوي .


http://www.iraq-mawal.com/f2/mo-bedena.ram

 

[نواف التركي]

مو بيدينا

نودّع عيون الحبايب

مو بيدينا

والعشق لحظة عمر وتمر علينا

وياللي طعم المستحى على عيونكم

ويلي شوقي يذوب بين رموشكم

ليلكم قمرا وهوانا مسهرينا

مو بيدينا
نودّع عيون الحبايب مو بيدينا


هذي بقايا الغرام وهذي رسومه ...

هذه الأغنيه يا سلطان لها طعم أخر , تستطيع أن توسّع شرايين القلب من ترسبات التبغ , وتصبغ جدران القلب بترسبات الألم .

هي كـ السيف ذو الحدين
إن لم تكن ماهر ومتقن لوقت إستخدامه , قد يقطعك إلى نصفين , تحتاج لـ لكثير من السجائر وأبريق شاي على طريقة أهل الشمال وبـ التأكيد السكّر حسب الطلب .

 

[نواف التركي]

تـ حس كـ إني شطحت كثير ...

أحس ودي أقول شعار شركة سابتكو

( دع لنا القياده وتمتع أنت بالرحله )