[ حَمَامٌ زَاجِلْ ]

[مشعل فايح]

الزاير اللي مرني... فيه عطرك
فتّق ازاريري وعتّق طيوري
اول كتابات العبث طاش سطرك
وثاني نهار العطر ذابت سطوري
اي والله انتي.. ايه انتي اخبرك
من زمزم لهاثي وكفّر فجوري
غابت ثلاثيني بعقدين عمرك
ولمعة عقودك قطعة من دهوري
اتبلسمك كذبة والومك واعذرك
واتورّقك غصنٍ وشوكي زهوري
واذا حجبك الليل مفضوح فجرك
واذا اجهرتني شمس.. يا شمس دوري
واذا سترك الصمت انا اقراه ثغرك
حتى بوقت الهمس همسك جهوري
ما مرت الارض بيديني وانا ادرك
والارض حافظها من اقدم عصوري
وابشرك.. من قلب/ مجبور كسرك
وانا الذي يرهقني اصغر كسوري

 

[عبدالله صلال العساف]

نساني النسيان من يوم رحتي ...؟
وليتك شرحتي غيبتك طوّلت ليه..!!
كانك على اكفوف التجاقي رغدتي
انا السهر صارت عيوني شواطيه..!!
في صحّتك كاس الفراق الشربتي
وانا الوحيد اللي احتفا ابطيف ناسيه
ولا تظنين ابجفاك انمسحتي
البارحه انتي وانا والمشاريه
لا لاتصدي اهناك!!انتي يانتي
عليك اوجه كلمتي دون تنويه
عبدالله صلال العساف

 

[حنان العصيمي]

مسألة وقت ...

 

[مشعل فايح]

يا اقدم الأحباب.. ويا اخر الأحباب
ما قلت لك بالله:
اني وريث تراب
ارحل مع اول عصف
وانهار تحت القصف
وادفن عدا واحباب.

اذا قدرتي فيوم
ترميني من بابك
ما غابوا احبابك
انا في هبوب الريح
وانتي اكتبي في النوت
طاري حزن ويفوت
لاني ابو الطيب
ولا كنت انا السياب

 

[حنان العصيمي]

ابتعد بسكاات ما بي لك وداع
مايبي فرقاك هالقلب ... الرضيع

تحسب إن قلوب خلق الله ... تباع
يوم تشريني وبالثاني ... تبيـــع

لا تـغرك جيتي لك ... باندفاع
لو بغيتك عز نفسي ... ما يطيع

 

[نوف سعود]

.
.
لا تحطم لو تحطم لك أمل
إعرف إن الله يحبك وأبتسم
لاتقول الحظ عمره ماكمل
قل:انا حاولت والله ماقسم
.
.

 

[حنان العصيمي]

ليلي طويل ...

 

[أمجاد محمد]

سألت الطريق: لماذا تعبت ؟
فقال بحزن: من السائرين
أنين الحيارى..ضجيج السكارى
زحام الدموع على الراحلين
وبين الحنايا بقايا أمانٍ
وأشلاء حب .. وعمرٌ حزين