|| موطـن الْـ ضّي

[هـيـفـااللاّفـي]

.
.
أسولف للمسا وأشعل شعوري والمسا شمعه
ــــــ ويتهجى المسا نبضي يترجم ثورة شعوره
يفض الليل من واهج حنيني للغلا سمعه
ــــــ الين الصبح ايودع مساي بصوت عصفوره
ولو كانت على الوجنه بقايا حزن من دمعه
ــــــ أنا أتبسم مدام ان الأمل اشرق علي نوره

 

[هـيـفـااللاّفـي]

من بسمتي هذي السما تمتلي غيم
ـــــــ تمطر أحاسيس وفرح لا تبسمت

 

[هـيـفـااللاّفـي]

ماهمني شي عنيده بكل مافيني
ــــــ مثل الجبل مااتزحزح شامخه أبقى
لو حاول الريح انه بس يحنيني
ــــــ بعانده! ماانحني للغيم أنا ارقى
طبعي كذا والعناد الصلب يرضيني
ـــــــ بالعز ومعاند الدنيا أنا غرقى

.

.

.

أشوفكم على خير

 

[هـيـفـااللاّفـي]

أرقص على جروح همي ..وأرض أحزاني
ــــــــ ليلي موسيقى حزينه من تعب روحي
ان كنت ابنسى الحزن ! لاماتناساني
ـــــــــ إلين خلا الحزن ترقص بي جروحي
يتكدس الضيق في صدري وأبكاني
ــــــــ اسكت ودمعي الغزير مترجمٍ بوحي
رقصت لكن أحس الرقص مااكفاني
ــــــــ ودي أخلي الحياه ترقص مع نوحي ..

 

[هـيـفـااللاّفـي]

نواف التركي
شكرا لـ نبضات وفائك التي لا تنبع
الا من قلب أوفى ..
شكرا كثيرا..
شكرا دائما وأبداً..

 

[هـيـفـااللاّفـي]

|| عطر إنعتاقي ...

.
.
من الحنين وليل ياطول باله
ـــــــ أسترسل بشعري وأقطع وثاقي
واذا رمى ليلي بصدري حباله
ـــــــ يبي يعيش النصر وقت أحتراقي
واذا أحترق عودي أوصل رساله
ـــــــ مع النسايم فاح عطر إنعتاقي
يذبحني احساسي ومتعب سؤاله
ـــــــ عن الذي هو السبب باشتياقي
كل غصن فيني بالغلا أنحنى له
ـــــــ أثمرت له مدام لي صار ساقي
الحب والدفء أندمج في خصاله
ـــــــ لازال عطره في يدي الحين باقي
الغيم جاوب لهفتي بإنهطاله
ـــــــ واسقيت بستان الغلا بالسواقي
احساسنا زاد الشعر بأشتعاله
ـــــــ كذا يكون الشعر اعذب وراقي ..

.

.

 

[هـيـفـااللاّفـي]

.
.
أنامافيني إلاّ..
يمكن حزن
يمكن تعب
يمكن مدري وشووو بس الأكيد أن هناك [يمكن ]
.
.
أحتاج لـ قرب موعد السفر ياربي متى؟

 

[هـيـفـااللاّفـي]

.
.
الحب أنتَ موطنه وأنت يزداد
ـــــــ فيك الربيع بأرض حبّك معايا
أسهر معاك وأشعل شموع ميلاد
ـــــــ وتداعب شموعي نسايم هوايا
هذي حكايا الحب ويّاك تنعاد
ـــــــ في كل لحظه ياغلاي ومنايا

.
.

وبما إني أحب هـ الغنووه عقب باجر المغرب موعد طيّارتي << شكو ماادري
فرحااانه