خـ ـد يــ ـجــ ــة .....

[جمال الشقصي]

"


واقلّك شيّ..؟


"

[poem="font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]كسرت البارحه وجه المسا بزجاجة البحار=أبي كل الشواطي من زبدها تجرح المرفا
توسدت الرمال الخاويه ليلة رحيلك.. بار!=سكرت بدمعة بلادي عليك وخاطري منفى
لعنت الأرض.. كل الأرض.. بلسان القصيد البارّ=خديجه: ما بيدّي حيلةٍ غير أحرقك، وادفى!!![/poem]


"

 

[جمال الشقصي]

"


وإلى ذات الخنجر..

رسالة أخرى/ متأخره!!


"

[poem="font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=1 align=left use=ex num="0,black""]والله انك مو جمل=لا ولا دمّك.. دمي
كلك فــ/ـبعضك حَمِل=في خرابة آدمي!![/poem]

والا اقلّك:

مسا الكذبه..
مسا تاريخك الموسوم بالرغبه
مسا اللعبه يا بِن عمّي..
تذكرتك فـِ ليله نخبها بردي
فـ ليله لونها وردي
تذكرتك تقول: إن الوطن فاضي
نواحي بلادي تقاضي..
على المليان والفاضي!!
تذكرتك تبي تلجا لشاطي بلاد
أبد ما تحمل الأوغاد..
وجيت اسمك ولد عمي..
ورحت أوغد من الأوغاد..!

"

خديجه تقول:
جمال اكسر لشاطينا حديد قفول
وتطلقني (عجوز) بمتنها مريول!

وكنت انته معي تقرا:

(خديجه طيبه لو صبحها داجر)

وكنت تقول لي إقرا:

(أنا اخترت الوطن في مضجع الفاجر..!)


وكنت تأيد الفكره:

[poem="font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=1 align=left use=ex num="0,black""]يا بلادٍ ما انجبت فوضى خديجه= أشهد انك ما انتي إلا للسياج![/poem]

"


رساله من خديجه لآخر الأوغاد:
أنا احبك كثر ما خنجرك وافي..
عشان الشاعر المسكين..
عشان اللي سترْك وهذا هو..

ح

ا

ف

ي


!


"



"

 

[جمال الشقصي]

"

مسا الفجّار..
تمايم ديرة الأبرار
صباح الخير.. يا خيرة هلي با اكتب:
هلا يا اهْلي بداخل لوحة الفخار!
تشقق في ثرى صدري جدار الكل
تناسل من جديد أكثر
تنامى ظل!
وكلما حان موعد جيّة الوافين..
هلي الغالين..
وكلما لاح لي الراعي أو الفلاح..
أصب الما فــِ موقد خيمتي وابتلّ
وعشان أنهي سلالة ظِل:
كسرت بعتمتي البيضا سنا المصباح!

"

 

[جمال الشقصي]

"

إذا بشّ الثرى بالسحب
وتورّد حافي الرمله بزهرة حب
إذا العصفور غرّد في الأديم البور
دريت إنك عبرتي من ثواني قصار
عطيتي اللولو للمحار
وخليتي الخراب.. قصور
خديجه: (وينها عيونك)؟!
أنا عيوني صحاري طاعنه دونك!

"

 

[جمال الشقصي]

"

[poem="font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=1 align=left use=ex num="0,black""]ما كنت أقلّك قبل ليل المساري=مشوارك المجهول.. يوصل لمجهول
وهذي خُطاك اليوم يا قِدْم عاري=مْعلقه في راس حزمه من نْصول!
لا يا بعد كل الخلايق.. تداري=ما في حدود الارض شبرٍ بلا نذول!![/poem]

"

 

[جمال الشقصي]

"
[poem="font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=1 align=right use=ex num="0,black""]عطي جدار العنابر يا خديجه ريحة عْراكك=وصحي لي الزنازين بـ بقايا سيرة الحانه
أبي لا من تثاوب مجلد السجان بادراكك=يفلك يا شقا الأصفاد عن رسغين.. سكرانه!
بعثت لْك الحمام ينوح بآخر صبح شباكك=وابشرك: الخيانه مْن البحر.. لابعاد شطآنه!![/poem]

"

 

[جمال الشقصي]

"

[poem="font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=1 align=left use=ex num="0,black""]هم يقولوا ما لهم ذنب وأيادي=ولا عليهم في طعن طهرك أثر
وآنا اقلّك يا خديجه: لا تنادي=كلهم ما كانوا في الواقع بشر
وادي الشيطان يبدا من بلادي=وينتهي بحدودها وادي المكر
لا نبيل ولا أخو شمّا.. وفادي=خلطة الأنجاس في هيئة قدِر!![/poem]




"




يا خديجه عشت وحدي
دافيٍ مستور وسط أنياب بردي
أحطب الشقه روايه
واشعل أطياف الفراغ سنين عمْر
في شبابيكي ظلام
كل ليله توفِد الصاله شعر
وافرش السفره كؤوؤس
فارغه مثل النفوس!
وانتظر
ثم أنتظر
ثم أنتظر مثل المطار
باكر تمريني الشقه واقول:
ما وصل قبلك بشر
ولا تجي بعدك عروس!

"

 

[جمال الشقصي]

"

تعرفيني زين واكثر يا خديجه
لو بجيبي كسور خبزه
ما كليت كسورها قبلك وربي
ما أفتش في جيوبي..
قبل ما تنبض كرامة روحك بدمي وقلبي

يا خديجه:

[poem="font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]طاحت أسوار المدينه في عيوني=ولا تبقّى في الجهات إلا مماتي
حاولي لو صادفك مرّه جنوني=تعترف ذاتك بعقلية شتاتي
الجميع اللي تظنيهم متوني=ما هم إلا حفرةٍ شالت حياتي!![/poem]



"