[ رَصدٌ لِبَرنَامج شَاعِر المَليوْن ]

[شوق علي]

يطول الحديث وكل كلمة لها هراج ..
.. .. .. .. .. .. فناجيل جرح الوقت ياوقت مشروبه ..
تدف الهبايب ضيقة الصدر للمخراج ..
.. .. .. .. .. .. لو ان الحزن مغرق ثرى القلب منسوبه ..
ما عمر الليال قدرة ضيقة المحتاج ..
.. .. .. .. .. .. يعيش الفقير وراس ماله معه ثوبه ..
ولو ان الزمان الشين بيرٍ مثل هداج ..
.. .. .. .. .. .. لقيته هماجٍ يوجع الكبد مشروبه ..
غدينا هل الكوفة ووقت الردى الحجاج ..
.. .. .. .. .. .. يموت الوفا وحقوق الأجواد مسلوبه ..
زمنا على طمس الحقيقة فقيد علاج ..
.. .. .. .. .. .. يخلي الشقي يمشي على راس عرقوبه ..
صحاري السنين اتدحرج آمالنا دحراج ..
.. .. .. .. .. .. يا عزي لقلبي من زمانه ولاهوبه ..
اعن الركايب واقطع الليل دون سراج ..
.. .. .. .. .. .. غريمن يحب الموت لعيون رعبوبه ..
ياكبدي من الدنيا وموجن عليها هاج ..
.. .. .. .. .. .. علي الحرام ان فلا ادري شـ انا صوبه ..
لعب بي رغاب الوقت واصبر على المطناج ..
.. .. .. .. .. .. عساي اتقرب من طموحي وماجوبه ..
ترى ما عرف قدر المهادي سوى فراج ..
.. .. .. .. .. .. لكن فالزمن ذا كلمة الحق معيوبه ..
يا وقت السموحة منك واسف على الازعاج ..
.. .. .. .. .. .. لكني طلبتك تسمع القول لو نوبه ..
سيوف الصراحه سجنها ما عليه افراج ..
.. .. .. .. .. .. لأن الصراحه يازمن غير مرغوبه ..
انمثل بطولة فيلم لكن بدون اخراج ..
.. .. .. .. .. .. وقصة سيناريو الفيلم ماهيب مكتوبه ..
تضيع الحقايق بين فكرة وبين انتاج ..
.. .. .. .. .. .. ورؤية جروح الوقت في وسط غيبوبه ..
خطا المرء وارد والخطا ما عليه احراج ..
.. .. .. .. .. .. لكن غلطة الشاطر اليا جات محسوبه ..
يا قلبي اعزك وارفعك والحشيمة تاج ..
.. .. .. .. .. .. مدام ان فناجيل المخاسير مشروبه ..
طموح الأمل نظرة وجفن الحياة سياج ..
.. .. .. .. .. .. واذا جيت ارقع هفوة الوقت وش هوبه ..
انا كيف اضيق من الزمن وإلا ليه احتاج ..
.. .. .. .. .. .. وانا مري وربعي هل العز ودروبه ..
اليا قالوا اني من قطر ضيقتي تنباج ..
.. .. .. .. .. .. بلاد التميمي والمواقيف تسمو به ..
انا البحر والريح الشقا والهموم امواج ..
.. .. .. .. .. .. تعصف الرياح وطبعه اياه واسلوبه ..
يا عزمي عليك الله سر للظلام سراج ..
.. .. .. .. .. .. وش الراس ما غدا المجد مطلوبه ..


حمد المري

 

[شوق علي]

بغداد ياحسرة قلوب السلاطين ..
.. .. .. ما شابهك بالكون يا كود بغداد ..
ما لك شبيهن تحتريه العناوين ..
.. .. .. أكبر من التشبيه يابنت الأمجاد ..
للخيل ذكرك لا تبارت ميادين ..
.. .. .. بخشومها تكسر نفس زفرة عناد ..
ضاقت صدور الخيل والشوط شوطين ..
.. .. .. ولا ينتهي للوصف في وصفك طراد ..
فيك استعان المجد وأنتي تعينين ..
.. .. .. يا عون أمة تاقف لجرحك ضماد ..
متفردة حتى بعنا الجرح تأبين ..
.. .. .. تاصل مدى صبرك مخاليق وبلاد ..
يا عين شرقٍ ما غفى من سنين ..
. . .. .. كله أنين يجفل بعينه رقاد ..
اوجاع جرحه ما حوتها شرايين ..
.. .. .. يصدع صدى صيحاتها صم الاكباد ..
بغداد يوم الناس ماهو مسمين ..
.. .. .. تاريخها مخطوط بسيوف واجياد ..
ما ترتجي بغداد مد ومعينين ..
.. .. .. ورجالها ذخاير ومد وعتاد ..
صوت المدافع الف مسنود بألفين ..
.. .. .. الله وأكبر قلقلة ذات الاوتاد ..
لامن نزف جرح المعارك جثامين ..
.. .. .. شيمة تفيض جروح زاكين الاجساد ..
تسلم بطون اللي حوتهم صغيرين ..
.. .. .. وتسلم شوارب ربوا رجال واسياد ..
هانت عمار رجال بس ما تهونين ..
.. .. .. وأنتي فداك الوالد بعشرة اولاد ..
ياهيل كرم طيب ريحه دواوين ..
.. .. .. ويا سيف ما طوع كرامته حداد ..
ويا هلال ثالث كل ثاني لعيدين ..
.. .. .. ويا عيد ما تمت بلياه الاعياد ..
المجد والتاريخ والحق والدين ..
.. .. .. تبكيك لا غبتي على روس الاشهاد ..
لو غابت البلدان وحدك تسدين ..
.. .. .. ومنهو بغيابك لا فقدانك سداد ..
صدر السماء واسع ولا شال شمسين ..
.. .. .. وأنتي وحيده في سما امة الضاد ..
اكرم امم هالارض وان قيل من وين ؟ ..
.. .. .. مختوم ذكر الله بلسان الاجواد ..
وما مر كبوة بأختلاف المضامين ..
.. .. .. والحر والعليا لهم دوم ميعاد ..
خطيتها ولاغفت للقلم عين ..
.. .. .. عمره على الوقفات قضاه معتاد ..
صوته يزيد جيوش الاوراق تمكين ..
.. .. .. وللحرف عمره كل ما قل ميلاد ..
هذي اسوارك زحف جيشي زمانين ..
.. .. .. ما طالها وأبوابها دون رداد ..
تبقين يا حسرة قلوب السلاطين ..
.. .. .. اكبر من التشبيه يابنت الامجاد ..

خالد منذر

 

[شوق علي]

أعسف أمهاري واريق الحبر واسن قلمي ..
.. .. .. .. .. .. و ادخل الميدان و عيوني تناظر للسما ..
دام راسي مخزن الافكار و الفوهه فمي ..
.. .. .. .. .. ..اطلقي من زند شعري يا حروف بلا دما ..
يا حياة تجعل فوادي على اسمي سمي ..
.. .. .. .. .. ..او ممات يروي اسمي من عقب هاك الظما ..
ابتهج يا اسمي نهجتك صوب عدٍ عيلمي ..
.. .. .. .. .. ..عد ما كل الاسامي تارده ما له كما ..
شاعر مثل النخل شامخ وعذقه مرتمي ..
.. .. .. .. .. ..ناجحٍ و اللي رمى من لام فعله لا رمى ..
لو هبوب الوقت هبت ما تزعزع بقدمي ..
.. .. .. .. .. ..او جيوش الحقد غارت ما دخلت حد الحمى ..
و الله انه دون شعري ما تراخى محزمي ..
.. .. .. .. .. ..محتزم بالحضرمية و افتخر بالانتما ..
انتمائي للسعودية .. و للمجد أنتمي ..
.. .. .. .. .. ..موطنٍ لو راح عمري له فلا تسأل لما ..
لانه اللي صار فضله بين نبضي و نسمي ..
.. .. .. .. .. ..و لانه اللي ساق غيمة عز وابلها هما ..
لا زهم حتى الصبي يقبل سواة الصيرمي ..
.. .. .. .. .. ..لد ابوه لزرقته ما قال عود يا نما ..
=دون حده و الله ان شبحي لرمحي و سهمي ..
.. .. .. .. .. ..كل عرق ينبض بحبه عن الشكة سمى ..
=و كل عظمة من عظام الشعب طوب محتمي ..
.. .. .. .. .. ..شكلوا سورٍ قطيب الساس في حبه زما
لان ما به عز من راقت على انحاه الدمي ..
.. .. .. .. .. ..و الشرف يبنى على رجم ٍ من رفات عظما
يا وطنا نام بسم الله عليك من العمي ..
.. .. .. .. .. ..ما علينا في عمى قدى على دربه عمى ..
هييه يا هدهد سبا من لبسك تاج اعجمي ..
.. .. .. .. .. ..لين صاروا فيك اهل بيتك شقايا و اخصما ..
صار حلمك مملكة بلقيس و الملك اقدمي ..
.. .. .. .. .. ..يا صخيف الريش لو فكرت فيها قبلما ..

سعيد القحطاني

 

[شوق علي]

- من تتمنى ان يتأهل ؟
- من تتوقع ان يتأهل ؟




بـِ / إنتظاركُم !؟

 

[شوق علي]

ذولا الرجال يقال حصنٍ مناكير ..
.. .. .. .. ما هم بحال كروش هي والكحيلة
إن اقبلوا خلوا حياتك نواوير ..
.. .. .. .. وإن أدبروا شاحوك من عند ذيله
ما ريضوا لمقطفات الأزاهير ..
.. .. .. .. يتلون غراة الجمال المحيله
فيضة بدل فيضة وقومك مداوير ..
.. .. .. .. وإليا لمع برقٍ جديدٍ تخيله
لو سندو لك عودوا بك محادير ..
.. .. .. .. حليلةٍ تمحى ليال حليله
يجفون حيل أيامنا والمعاشير ..
.. .. .. .. ماهم كثير الطيب يسوى قليله
مذهب حقوق الواهنات المصاغير ..
.. .. .. .. أثمار قلبٍ ما تحايل بحيله
كومة وراعينٍ تحج المعاذير ..
.. .. .. .. تصعب على بنت الحصان الأصيله
تطول بأحزان النفوس المشاوير ..
.. .. .. .. والدمع ما جفت شغايا مسيله
الرفق مخطي جامعين القوارير ..
.. .. .. .. يا ما سطوا في كل نفسٍ جليله
دايم ضحاياهم بنات المناعير ..
.. .. .. .. كم شيخةٍ حطوا عليها خبيله
لو كان واحدهم يقود الطوابير ..
.. .. .. .. عند الغنج وأم الغنج قل حيله
لو أنه أبو زيد وإلا أنه الزير ..
.. .. .. .. لو خزته طفلة غدا واحليله
لا لامح المهره يدوس المحاذير ..
.. .. .. .. ويروح عجه قاطبٍ مع صهيله
وإن جيتي بوجه تجيك الأعاصير ..
.. .. .. .. ينسف على الراس المعاند شليله
راح الحصان وجعلها له مسافير ..
.. .. .. .. باكر يعود لك تباريه عيله
إما اشلعي وادعي بقلبه مسامير ..
.. .. .. .. وإلا اصبري صبر القلوب الهبيله
علك الرسن ما فاد قبلك غنادير ..
.. .. .. .. وكم بالعنان من الحراير ذليله
ممدي له القانون حدبٍ مشاهير ..
.. .. .. .. ومع قوته يمده بكل خيله
فوضى وبالفوضى تضيع المعايير ..
.. .. .. .. ومدنع الغايه يهين الوسيله


حصه هلال [ ريميه ]

 

[شوق علي]

من بين اصابيعي تسيل حروف للدفتر رغد ..
.. .. .. .. .. .. نبش الجروح اللي يحب وطب يبري علته ..
النوم حسناء كل ما استجدي ذوايبها تصد ..
.. .. .. .. .. ..وإن ما اكترثت , اتشبذت بي وكل شيءٍ رخته ..
نتفت ريش القلب خوف انه يطير وما يرد ..
.. .. .. .. .. ..مدري نبت له ريش وإلا اني غفلت وشلته ..
حيث إن طلتها ملت فمي ياذكر الله ومدد ..
.. .. .. .. .. ..ممشوق العذق الذي مره رجع عن ملته ..
سافر بي وكني لي جناحين اتهيا للهدد ..
.. .. .. .. .. ..والنقش في عيون الملأ هالفيلسوف شـ قصته ..
هي تشبه الماء والظما والوقت جا معهم عهد ..
.. .. .. .. .. ..واشبه لمن مر الديار اللي بكته وبكته ..
ما يشكي إلا عشق روح لروح بمفارق خلد ..
.. .. .. .. .. .. الريح جوا الدار والأقدار بابك صكته ..
كل قطعةٍ منها كريمة حسن وتحير بلد ..
.. .. .. .. .. .. كل ما بسطت الكف من جوع الوصال وردته ..
يا مال .. نهام اخشبتها فـ زرقتي يزرع ورد ..
.. .. .. .. .. ..والورد ماعمره نبت عالموج لكن رزته ..
لين ارسمت للغيم لوحة وسالت الدنيا برد ..
.. .. .. .. .. .. ماكنه إلا عقد لؤلؤ خلف جمرٍ صفته ..
كذاب لو بحلف لمحت الماء في الرقبه و رد ..
.. .. .. .. .. ..والماء في كل ركن تحت الجلد تلمح غبته ..
مائيةٍ والنار كن ربي غرسها عـ الجسد ..
.. .. .. .. .. .. فـ عيون من نفسه على سود النوايا حدته ..
كان السمو يقودها والآل عكاز وسند ..
.. .. .. .. .. ..واليوم كل شيءٍ تمنى تقود ركبه ودفته ..
ما دنقت راس شحمتها ولا فنى فيها جلد ..
.. .. .. .. .. .. لو يعبث الغربي برطبها النخل واقف ربته ..
إلاي كل ماطري عليها وكل ما فيها صمد ..
.. .. .. .. .. ..إلاي من زد الرجال اللي تسامى وحبته ..
ماهو عشان الشعر لو الشعر له حظ الأسد ..
.. .. .. .. .. .. سل نهر دمعٍ محتشد في حجر مما كنته ..
سل رجفة ايديها .. جفنها اللي رقد لو ما رقد ..
.. .. .. .. .. ..سل عضة شفاها وطيرٍ في قفصها هدته ..
سل عنق ساعة رمل غطته بعبايتها ونشد ..
.. .. .. .. .. ..عيني عن ذراعي وأنا اتأمل رهاه ودقته ..
سل صفة زهورٍ على الدرب اتغنى بلا حسد ..
.. .. .. .. .. .. كل ما خطت والدرب شيءٍ ودها لو فضته ..
سل كوستا عن صوتها وسكوتها ليل الأحد ..
.. .. .. .. .. ..عن سالفتها وعزف ضحكتها وخدٍ مرته ..
سل ما تشاء تجاوبك كل قطعةٍ منها فهد ..
.. .. .. .. .. .. وتضج كل الارض في قولة تحبه وخلته ..
من بين اصابيعه تسيل حروف للدفتر رغد ..
.. .. .. .. .. .. نبش الجروح اللي يحب وطب يبري علته ..




فهد السعدي

 

[شوق علي]

خلدت في بطون الخلود اللي مناكبها وساع ..
.. .. .. .. .. .. .. مانيب بذا القرنين لكني ... أطرافها ..
عطاني الله شيء لا يشرى ولايمكن يباع ..
.. .. .. .. .. .. ..نزلت به والنفس مشراف الشرف مشرافها ..
المستحيل يحق لي وأحققه بالمستطاع ..
.. .. .. .. .. .. ..على ظهور المعجزات اثقالها واخفافها ..
إني ولد قومٍ عزاويها على الفزعة متاع ..
.. .. .. .. .. .. ..مثل النسور اللي تهاوت ما تلد خلافها ..
إي والله أثبت يا عقالي راس محسوبك شجاع ..
.. .. .. .. .. .. .. جنبيته لا سلها يشره عليه غلافها ..
أنا شقيقك يالفرزدق منت اخوي من الرضاع ..
.. .. .. .. .. .. ..صحيح لا خليت خلت بعروشها واحلافها ..
يشتل جوفي مدح سيد كل ساع وكل قاع ..
.. .. .. .. .. .. .. الزايد محمد ولد زايد وريث اشرافها ..
أخطل من الخطلان وذراعه ياقوه من ذراع ..
.. .. .. .. .. .. .. شل العرب باشعارها وسمانها وعجافها ..
سبع الاسباع إليا غضب حييت يا سبع الاسباع ..
.. .. .. .. .. .. .. تحوفها لاجات في عرضك على من حافها ..
شخصية العصر وحديث الناس ياذرب الطباع ..
.. .. .. .. .. .. ..صورتك تبهج كل من ضاقت عليه وشافها ..
خيرك كثير الله يزيدك خير يا ريف الجياع ..
.. .. .. .. .. .. .. اللي من افضالك عليها يشتغل صرافها ..
أشهد ويشهد كل من يمشي بشتان البقاع ..
.. .. .. .. .. .. ..أنك أمير المدح وأبيات المديح وقافها ..
سفينتك في شاطيء الراحة ترفرف بالشراع ..
.. .. .. .. .. .. .. وأنا عليها نافخٍ صدري معا من طافها ..
هذا انطباعي عنك والشاعر يترجم الإنطباع ..
.. .. .. .. .. .. ..يعطي الرجال حقوقها لازمته بكتافها ..
راسٍ يذم معزبه ياسيدي يرجع كراع ..
.. .. .. .. .. .. .. الواجب أنه لا نظر غلطة يظف لحافها ..
أخوك يا ناجي وأنا زبن الثنيه والرباع ..
.. .. .. .. .. .. ..ماهوب لي ذنب الكرام الزاكيات اوصافها ..
عزيز قوم ٍعزه الله ما يدنق للرعاع ..
.. .. .. .. .. .. ..قصيدته عز البيوت العامرة بأكنافها ..

مسعود الوايلي

 

[محمد الغشام]

المشاركة الأصلية كتبت بواسطة شوق علي

من بين اصابيعي تسيل حروف للدفتر رغد ..
.. .. .. .. .. .. نبش الجروح اللي يحب وطب يبري علته ..
النوم حسناء كل ما استجدي ذوايبها تصد ..
.. .. .. .. .. ..وإن ما اكترثت , اتشبذت بي وكل شيءٍ رخته ..
نتفت ريش القلب خوف انه يطير وما يرد ..
.. .. .. .. .. ..مدري نبت له ريش وإلا اني غفلت وشلته ..
حيث إن طلتها ملت فمي ياذكر الله ومدد ..
.. .. .. .. .. ..ممشوق العذق الذي مره رجع عن ملته ..
سافر بي وكني لي جناحين اتهيا للهدد ..
.. .. .. .. .. ..والنقش في عيون الملأ هالفيلسوف شـ قصته ..
هي تشبه الماء والظما والوقت جا معهم عهد ..
.. .. .. .. .. ..واشبه لمن مر الديار اللي بكته وبكته ..
ما يشكي إلا عشق روح لروح بمفارق خلد ..
.. .. .. .. .. .. الريح جوا الدار والأقدار بابك صكته ..
كل قطعةٍ منها كريمة حسن وتحير بلد ..
.. .. .. .. .. .. كل ما بسطت الكف من جوع الوصال وردته ..
يا مال .. نهام اخشبتها فـ زرقتي يزرع ورد ..
.. .. .. .. .. ..والورد ماعمره نبت عالموج لكن رزته ..
لين ارسمت للغيم لوحة وسالت الدنيا برد ..
.. .. .. .. .. .. ماكنه إلا عقد لؤلؤ خلف جمرٍ صفته ..
كذاب لو بحلف لمحت الماء في الرقبه و رد ..
.. .. .. .. .. ..والماء في كل ركن تحت الجلد تلمح غبته ..
مائيةٍ والنار كن ربي غرسها عـ الجسد ..
.. .. .. .. .. .. فـ عيون من نفسه على سود النوايا حدته ..
كان السمو يقودها والآل عكاز وسند ..
.. .. .. .. .. ..واليوم كل شيءٍ تمنى تقود ركبه ودفته ..
ما دنقت راس شحمتها ولا فنى فيها جلد ..
.. .. .. .. .. .. لو يعبث الغربي برطبها النخل واقف ربته ..
إلاي كل ماطري عليها وكل ما فيها صمد ..
.. .. .. .. .. ..إلاي من زد الرجال اللي تسامى وحبته ..
ماهو عشان الشعر لو الشعر له حظ الأسد ..
.. .. .. .. .. .. سل نهر دمعٍ محتشد في حجر مما كنته ..
سل رجفة ايديها .. جفنها اللي رقد لو ما رقد ..
.. .. .. .. .. ..سل عضة شفاها وطيرٍ في قفصها هدته ..
سل عنق ساعة رمل غطته بعبايتها ونشد ..
.. .. .. .. .. ..عيني عن ذراعي وأنا اتأمل رهاه ودقته ..
سل صفة زهورٍ على الدرب اتغنى بلا حسد ..
.. .. .. .. .. .. كل ما خطت والدرب شيءٍ ودها لو فضته ..
سل كوستا عن صوتها وسكوتها ليل الأحد ..
.. .. .. .. .. ..عن سالفتها وعزف ضحكتها وخدٍ مرته ..
سل ما تشاء تجاوبك كل قطعةٍ منها فهد ..
.. .. .. .. .. .. وتضج كل الارض في قولة تحبه وخلته ..
من بين اصابيعه تسيل حروف للدفتر رغد ..
.. .. .. .. .. .. نبش الجروح اللي يحب وطب يبري علته ..

فهد السعدي

للشعْر والجمْال والرسْمْ
حيْنما نحَتاجْ إلى سماء هُنا الفضا والشطُور نجمْ في هذه السمَا , حتى يتُوهجْ على أرواحنا النُور
لِكُل شيْ فيْ أنفُسنْا , لِنشهقْ تمْتمه ونزفُر [ الله ]
فهْد ,
ولكْ نصيْب الأسد



أشكُر وأحمد الله ثُم أشكُر البرنامج على أن وضعْ الضُوء عليه حتى لو لم يكمِل المُسابقهْ
حسبي الله على رغد وعلى فهد السعديْ وعلى من يتابع هذا الشاعر المجنُون


شوُق عليْ
شُكراً لإدراج هذه القصيده وكُل القصائد
ولـ تسمحيْ لي أن أحتفظ بِهذه القصيده تحت أضلعْيْ وأنامْ


عاطِر التحايا