ربّتني الدنيا / يوتيوبيّه بصوتي :)

[صالح الوقداني]

السلام عليكم ورحمة الله وبركاته
مسائكم شاعري // وصباحاتكم محبّه وعيد
مصافحة أولى بآخر مانشرت
اتمنى ان تُرضي الذائقه
وتكون عربون محبه بيني وبين أعضاء منتديات أبعاد الأدبية






ربتني الدنيا على فراق الاحباب
حتى غدا لفراقهم / إبتسامه
خاويت صبر سنين عمري ورى باب
موصود عن جمر الحنين وغرامه
من شفت حلم الأمس طايح ومنصاب
وأنا خليط أحزان .. هم وملامه
وش صار في دنيا بها الحزن .. طلّاب
يحصد فرح دنياي .. يغرس سهامه
ياوجد قلبي كثر ماخافقي / ذاب
والليل طوّل .. ماصحى من منامه
كنّ الألم في عالمي قصّة كتاب
مضمونها .. " قصّة غرام الندامه "
ذيك العيون اللي لها روعة غياب
بغيابها / غاب الفرح وإهتمامه
واللي من اسباب الغلا صار مرقاب
يرجي وصال ولا حصل له مرامه
تعددت في صفحته عدّة أسباب
والكل منها .. منشغل في مهامه
لكن مع اللي صار لي يوم [ ماغاب
صوته ] وصارت ذكرياتي / كلامه
صار الحزن يرسم على سود الأهداب
صورة عيونه فوق لفّة لثامه
خلّيني أوجز لِك / لِتقريب الألباب
يوم الهطول اللي غرقت بغمامه
البارحه من بين ربعي / والأصحاب
جاني سمّوه .. وانطلق بي زمامه
وتسابقت خطواتنا .. ليل واعجاب
وتعانقت لحظاتنا .. في ظلامه
من يوم صارح خافقي / صرت مرتاب
ريبة خفوقٍ / من درى وش علامه؟!
واليوم يالدنيا / أنا كلّي أتعاب
[ يكفي عن حضور الفرح لي / سلامه ]
لآ تحسبيني لآ تضايقت منصاب
بعض الجروح أحيان فيها سلامه
حظّي ويعرفني / ولي حظ غلاب
من ماضي الأيام / حظي "علامه"
هذي هي الدنيا / مثل ظلم الأقراب
رغم الألم .. تجبر ظهور .. ابتسامه