[ حَمَامٌ زَاجِلْ ]

[ريما الخالد]

و احاول و انت ما تدري
احاول و انا في ضعفي
احاااول انهي بركاني
ااحااااول واخسر رهاني

 

[عبدالله العويمر]

ابسْألِك:

ليه الغلا
يشعل قَنادِيل الوَلَه
ابسْألك
ليه الغلا
مانِعرف الّا اوله

ابسألِك
ولاتجَاوبي
يمْكِن باجَاباتك امُوت
وانا امُوت!
مِن وضْعنا اللي بك يعيش

وانا احْترق وانتي كذا!

بيْن الحقيقه والخِداع
بيني وبيِْني هالصّراع

ابسْألِك
وخلّي الجواب بْداخلِك!

ليْه انْتي اللي مااخْذلِك؟

ابسألِك:
منهو بِنا لازم يموت؟
انا او انتِي والسكُوت

ولاتجَاوبي!

 

[ريما الخالد]

فينا واحد تصبر
وعطّر الدنيا بطيبه
فينا واحد تنكر
للمحبة وحبيبه
وأعتقد فينا واحد
ما يستاهل الثاني ..!

فينا واحد تغرب
عن حياته ومكانه
فينا واحد تمادى
حتى خان الأمانه
وأعتقد فينا واحد
ما يستاهل الثاني ..!

وبعد كل ما جرالي
منك ومن زماني
حس واشعر بحالي
صير انته بمكاني
وشوف منهو اللي فينا
ما يستاهل الثاني ..!

 

[صالح العرجان]

طـاري(ن) لي .. مـا يـجـيـبــك.. لا هـلا بـه
...................ولا هـلا.. بــالطــاري اللـٌي.. ما يـجـيـبــك

انـتـعـشْ حـرفي غـلا .. عـشــق الكتـابــه
.....................فـاض بي حـس الغــرام .. وفــاح طـيـبــك

عــودك الأزرق .. يـضـيــٌعـني.. واهــابــه
................انـتـعـشـت ارسـم خـيـالك ..وانـتـشي .. بــك

ضـعـت .. بين النــور .. مع نــار المهـابــه
....................فـلسـفة سحر الحـروف .. اللـٌي .. تـريـبــك .. ؟!

 

[منتهى القريش]

اشبعد باقي
على اوراقي
ما غير اسمك
الون فيه احساسي
مره أكتبه أعذار
واحيان ارسمه لوحه
اعلقها على روحي
أبروزها بصدى ويش صار؟

 

[مشعل فايح]

من علّم الليل يسري بالجسد بدري
وسهيل يكتب شعر والجدي يقراني
يا قصة الشاي.. ما عاد العتم مغري
ووجاري اقصى احتدام الجمر بأجفاني
يا بنيّة السكّر المنثور في ثغري
بردان ضلعي عليك وباهت لساني
لا تتركين الرماد بمهجتي يجري
دامك تعرفين تابوتي وكفّاني

 

[عبدالله العويمر]

مابي تجي يومين ، وتغيب يومين

،،،،،،،،،،،،،،،،،،،،،،،،،،،،، أمّا تجي كلك أو تغيب كلك

 

[حنان العصيمي]

رِحلتي معك ..
أرضٌ تشكو الفقرَ ، لا تعرف طعماً للندى
ولا تفقه لوناً لذرة هواء ..
مليئة بالعُقم والظمأ ..
كم أتمنى أن افتقدني ..
حين أحبك ...!