~ " وحدي .. و غديت أنت / الـ زحام ! "

[مناحي النفيعي]

وحدي في صالات القدوم ..
وفي الكلام ..
أقرا التذاكر و الوجيه ..
يمكن ألمح في الزحام ..
وجه يشبه لك .. و أجيه ..
يمكن ألمح وجهك .. بفرحة طفل ..
فـ الراجعين من الغياب .. وفي الأمل ..
فـ الراحلين بدون أثَر ..
في الصوت .. في الحب .. في السفَر ..
في الناس و الأحلام ..
أو في طوابير الوداع وفي السلام ..
إرجع من الأيام .. يا سيّدي ومقيّدي ..
يا جرحي الصعب الندي ..
أنا كلّ يوم ..
أجلس بصالات القدوم ..
أقرا التذاكر و الوجيه ..
يمكن ألمح في الزحام ..
وجه يشبه لك .. و أجيه ..

 

[مناحي النفيعي]

كسّري .. كسّري كل الظفاير عتاب !
.................... و أنزعي وجهي من الذاكرة و الصوَر

ما معي عذر للصدّه ولا للغياب
.................... موجعة غيبة العاشق بليّا عذر

إغفري لي أنا ضيّعت درب الصواب
.................... وعيّت أقدامي تودّي لدرب الصبر

بين حيط الضياع وبين حيط العذاب
.................... أكتب أسمك و تبكي لك عيون الحجَر

عاشق ٍ كم طريت الحزن و الإغتراب
.................... لين غبت الغياب اللي يفجّ الصدر !

رتّبي .. رتّبي جروحك شناط و زهاب
.................... ما لبعض الجروح إلا بعيد السفر

و دوّري أرض ما تشبه لروحي .. و باب
.................... لو تهزّه رياح الحزن .. ما ينكسر

صحّ أنا غبت عنْك بدون عذر و جواب
.................... بس مثلك عجزت ألقى بكل البشر !

لو يذرّ الحزن في وجه قلبي تراب
.................... بذْكِرِك و أغسل عروقي بثلج و مطر !

 

[مناحي النفيعي]

في أحد المواضيع في منتدى آخر ..
وعن طريق أحدهم .. وجدت تصاميم لمجموعة كبيرة من أبياتي ..
أنا أشكر المصممه ( منيره ) على هذا الإبداع في التصميم ..
و أقول .. إنّ هالموضوع والله من أجمل مارأيت و شيّ يجعلني حريص كل الحرص
على هالمتابعة منها و من جميع الزوّار و الأعضاء ..

أترككم مع التصاميم ..


\














يتبع ..

 

[مناحي النفيعي]

أكرر شكري لـ ( منيرة )
و أقول .. تسلم الأيادي و الله ..

 

[مناحي النفيعي]

شرّع ستاير دفترك للبوح ..
و في سطر .. أو مشهد ..
احجز لهذا الحزن مقعد ..
~ قصّ التذاكر من جروح ..
إملى الجيوب .. دموع .. !
إرجع .. من أعماقك بحزن ,
كان يمديك الرجوع ..

ملامحي ..
قصايدي .. مسارحي ..
صوت الجماهير..
خلف الحنايا .. نوح ..
آسف على التغريب ..
و الحزن .. و التعذيب ..
آسف على هذا السكوت ..
فيني الكلام .. يموت ,
.

 

[مناحي النفيعي]

إعتزال

إيه أخاف السفر و البعد و الإغتراب
.................. مثل خوفي من إن البوح ينسى الجُمَل !

وادعيني طفل يبكي .. بليلة عتاب
.................. و إتركي لي دفى .. قلبي يهاب البَلَل !

رجّعيني لميلادي .. بعيش الغياب
.................. من بدايتْه لين إنّه يموت الأمَل

عاشقِك .. عن جميع الناس صكّ الكتاب
.................. و حذّف الورد و أطفى شمعته و إعتزَل !

 

[مناحي النفيعي]

هذا أنت غايب غياب ٍ ما ترك لي حضور
.................. ولا ترك لي طريق أقصر من الإنتظار

من غبت مات كلام .. و مات كلّ الشعور
.................. و الصمت رحلة طويلة ترفض الإختصار

يا سيّدي و الفرح كلمة تهاب العبور
.................. تمرْجحت في حبال الصوت مثل الصغار

تشبه قصيدي عميقه "ما تحب الظهور "
.................. يسكن بها البرد .. لو فيها من الحزن نار

تعال و أنقذني من الموت بين السطور
.................. شعوري البارحه رفّ بجناحه و طار

 

[مناحي النفيعي]

دفتر جروح ..

يا دفتر جروحي اللي ما يقرّبني
.................. وحيد أنا فيك و أنته فيّ و حداني

يرعبني الـ بوح و النسيان يرعبني
.................. و أنا أكثر اللي كتب للـ بوح نسياني !

أبكتب لـ قاري الفنجان .... و إكتبني
.................. صدفه و جابت لي ظلالك و خبّاني

أنا كتبت الكلام اللي يناسبني
.................. ما أخترت أكون الصدى و الصوت سجّاني

مافيه عيّب ٍ جميل إلا يعيّبني
.................. وإلا الجميل القبيح إيّاه و إيّاني

أنا أرتب قراطيس و ترتّبني
.................. ما أحد ٍ صنعني و لمّعني و سوّاني

عذروبي إنّي طباع الصمت تغلبني
.................. ولا أعرف لوين طول الصمت و دّاني

يا الدفتر اللي يصدّقني و يكذبْني !
.................. خسرت أنا معْك تخميني و برهاني

أشعلك في ليلة ٍ ظلما و تحطبني
.................. شعور يشعل .. قناديلي و دخّاني !

عذبت فيك الجروح اللي تعذّبني
.................. وأبكيت بك كل ّ طاري مرّ بكّاني

إن رحت وقّفت مثل الشوق ترقبني
.................. و إن جيت جيتك بكل أخطاي و إحساني

تستوعب غيابي اللي ما يغرّبني
.................. وأستوعب سكوتك اللي كم به أعاني

روزنامة إجراحي أنت اللي تقلّبني
.................. من بين الأرقام .. بدموعي و حرماني

يا دفتر جروحي .. سطورك تعاتبني
.................. و أنا عطيت لعتاب سطورك لساني

أنت إكتب إسمي على الهامش و غيّبني
.................. يمكن يجي حظّ ضايع فيك يلقاني