فضفضه / وألاّ على الدنيا السلام ..!

[سالم الجهني]

مع كل الود ..

[poem="font="simplified arabic,4,black,bold,normal" bkcolor="transparent" bkimage="" border="double,2,blue" type=2 line=1 align=center use=sp num="0,black""]قال جيت اقرأ ملامحك بفضول = قلت انا : بالخير ياطير الظلام ..!

ياكثر من سولفوا فيّ بذهول = ودهم أكشف عن الصمت اللثام ..!

قلت والقول القديم / ابن الاصول = ما على زود الكلام ألا الملام ..!

إيه / مدري وش اخبي وش اقول ..! = والملامح ما ستر فمها الكلام ..!

كان جيت من الجهل تقرع طبول = أبشر بدرب الحلال من الحرام ..؟

لو عرفت ان الجهل طبع العجول ..! = لا .. ماجيت تفتّش بصدري حمام .!

وكان ودك تقرأ ما فيني يجول = تتعب من الرحله في صدري قوام ..!

جيتني يا هيه .. وألا / بس .. يا حول = كيف أفّهم من في راسه / شيْ خام ..!

هيه : ماشفت بسواليفك فصول = أص / أص .. حسبي على بليسك : حرام .!

جيت والمشهد سؤال بلا حلول = فضفضه / وألاّ على الدنيا السلام

جيت والجرح اللي فيْ عرضٍ وطول = ما ينام ولا يخليني أنام ..!

جيت والبال الطويل بلا وصول = مالقى من مسمع الوقت احترام ..!

لا متى المشهد صهيلٍ للخيول ..؟ = شرهةٍ ترجع ولاتفك اللجام ..!

لا متى الكثره تقول وما تطول ؟ = مثل من يغمز بعينه في ظلام ..!

ياكثر ماصمتي سولفني يقول = مات في صدري كثير من الكلام ..!




[/poem]

شكرا بحجم السماء ..