رسـائـل لـ لـ يـاسـمـيـنـة

[صالح العرجان]

ابسقي له من جروحي بدال الكاس انا كاسيـن
تفضل سم.. إشرب هم وراك تخاف من كاسـي

 

[صالح العرجان]

قـطـت الـشـيـلـه بـيـمـنـى الـتـحــدي وانـجــذب
كــل قـلـبــن والــعــذارى تــعــوج ارقـابــهــا

شـعـشـعـت بـالـراس مـثـل الـكـحـيـلـه وانـسـكـب
مـثـل لـون الـجـمـر فــوق الـنـحــر يـزهـابـهــا

لـفـتـه يـمـنـى ويـســرى وشـاشــت وانـعـصــب
ذيــل شـقــرن حــدهــا فـالــلــزز ركـابــهــا

طـامـعــن بـالـكــاس قــدم الاصـايــل مـارتـهــب
واثـقــن فـيـهــا وعـنــده خـبــر بـانـسـابـهــا

جـدهـا مـن عـدهــا مــن سـلـيـمــان انـتـســب
زاهـيــه فــي لـونــهــا تـوشــلــع نـابــهــا

يـوم سـاوى راسـهــا الـذيــل خـلـتـهــم مـطــب
دونـهــا صــم الـرمــك عـديــهــا مـاثـابــهــا

تـسـبـق الـلـي شـاف جـول الـحـبـاري وانـتـصــب
هـزجـنـحــان الـسـعــد والـسـبــوق اومـابــهــا

 

[صالح العرجان]

لو قالو من حايل او انه من عسير
ماريّة العـارض ونجـد ادانتـه

اغليه مير الحظ ملعـون وحقيـر
حظي واعرفـه باخـصٍ لعانتـه

 

[صالح العرجان]

شرهة الاناثي في وجيـه الرجاجيـل
ولا النساء شرهت غـرام الهـواوي

وش خانة الاشنـاب سـد المناديـل
إمـا توحـد شمـغ ولا غـطـاوي

 

[صالح العرجان]

انتي تبين الصمت بينـك وبينـي
....طيب احبك كيف تنقال في صمـت

قول لي احبـك كـذا صارحينـي
....او لمحي والعيب لـو ماتفهمـت

قالـت المح قلت هاه خلصينـي
....وتنهدت وتبسمـت ثـم تبسمـت

قالت بلاش اقـول طالـع فعينـي
....وطالعت في عينه وسلهم وسلهمت

وحسيت شي يجرني مـع يدينـي
....وبغيت اطيح وفي يدينـه تلزمـت

وكنه يقول العشق فيكـم وفينـي
....مع انه الساكـت وانـا ماتكلمـت

وعرفت مما صـار بينـه وبينـي
....ان الشعور احيان ينقال في صمت

 

[صالح العرجان]

على جال الحقايق اختصرني نجمة وظلال
،،، وعلى حد الصبر شفني أخيذه هم للغيبة

أنا ما جيت أبعشق لا . ولا أطلب للسحاب خيال
،،، أنا جيت استرق سمع الحقايق وأعلن الريبة

وراثة باذخ النخوة من قلوب الرجال أحمال
،،، توسد بك على دمعة تصبح بك على طيبة

طرف ثوب الفراق أبيض وناصع مفرق الأمال
،،،، يسولف لك فزع دمعة ويحكي لك جزع هيبة

حداني للشعر همٍ وزفرة من صدر رجال
،،، وهاك أبيات يكتبها ولد مجنووووون من طيبة

 

[صالح العرجان]

::

ماكرهت..من..الكلام..إلا..سكوتك..
....... وما..عشقت..من..السكوت..إلاّ..كلامك..!

::

 

[صالح العرجان]

مـخــتــلــف جــدا .. وتــمــلـك جــاذبــيــة
بــس عــيــبـك .. غــزة .. خــشــيــمــك .. شــوي